VOV4.Êđê- Aguah mbruê, Khua knŭk kna Phạm Minh Chính nao hlăm klei kƀĭn trông bi hdơr kơ phung mâo ai đru bruă krŭ kdơ̆ng thŭn 2024 leh anăn ba mdah Knơ̆ng bruă djă pioh Gen (ADN) lĭng kahan ka thâo klă hlei pô leh anăn gŏ sang phung djiê êngiă.

VOV4.Êđê- Ƀri bi hdơr 77 thŭn Hruê kahan êka êkeh - êngiă asei (27/07/1947-27/07/2024), tlam mbruê, ti Anôk bruă Khua lăn čar, Khua lăn čar Tô Lâm bi tuôm leh hŏng Êpul bi ala phung mâo ai hŏng lăn čar êdah êdi kluôm ala; phung Amĭ Việt Nam jhŏng ktang, Phung jhŏng ktang hlăm êpul lĭng kahan yang ƀuôn, Phung jhŏng ktang mă bruă leh anăn găp djuê phung êngiă asei.

VOV4.Êđê- Di Linh jing kdriêk mâo lu hĭn mnuih ƀuôn sang jing mnuih djuê ana K’Ho mơ̆ng čar Lâm Đồng. Dŭm thŭn êgao, mbĭt hŏng bruă mđĭ kyar đảng viên, Bruă Đảng kdriêk Di Linh lŏ kñăm bi lar bruă klam nao êlâo, bi hmô mơ̆ng đảng viên mnuih djuê ƀiă hlăm klei mđĭ kyar bruă duh mkra leh anăn klei hdĭp. Kyuanăn, lu ƀuôn êlan mâo klei mlih klă nik, ƀrư̆ ƀrư̆ găn hgao klei dleh dlan, gĭr ktưn mkŏ mjing klei hdĭp trei mđao, yâo mơak.

VOV4.Êđê- Hlăm dŭm thŭn êgao, bruă kriê dlăng gŏ sang knŭk kna dlăng ba, phung mâo ai krŭ kdơ̆ng ti čar Dak Lak dưi mâo dŭm gưl, hdră bruă hlue ngă tŭ dưn. Hlăm bruă ngă sĭt, yuôm bhăn bi hrŏ klei ênguôt hnĭng kyua klei blah ngă, đru kơ gŏ sang hơĭt klei hdĭp mda.

VOV4.Êđê- Hŏng 80 thŭn hdĭp, giăm 57 thŭn Đảng, 14 thŭn ngă Khua dlăng bruă Đảng, êbeh 2 thŭn ngă Khua lăn čar, êbeh 5 thŭm ngă Khua bruă kƀĭn ala, Nguyễn Phú Trọng rŭng răng nanao, jih ai tiê hŏng bruă cách mạng mơ̆ng Đảng leh anăn djuê ana, hŏng bruă Đảng gưl dlông, Knŭk kna gĭt gai kluôm Đảng, jih jang mnuih ƀuôn sang, lĭng kahan mâo lu klei tŭ dưn prŏng prĭn hƀuê ênuk.

VOV4.Êđê- Mơ̆ng ênoh prăk đru kơ hdră kñăm ala čar kơ klei mđĭ kyar bruă duh mkra- ala ƀuôn krĭng mnuih djuê ƀiă leh anăn krĭng čư̆ čhiăng wưng I (2021–2025), bruă dhar kreh leh anăn dŭm knăm mơak ti čar čư̆ čhiăng Lai Châu grăp knhuang dưi bi liê, kơrŭ wĭt. Kyua mâo klei đru leh anăn bruă ngă klă sĭt, klei mnuih ƀuôn sang thâo săng hlăm bruă răng mgang, răng kriê leh anăn mđĭ lar dŭm ênoh yuôm dhar kreh djuê ana dưi mđĭ, mjing boh kdrŭt mđĭ kyar bruă duh mkra, ala ƀuôn, msir klei ư̆ êpa, bi hrŏ klei ƀun kjăp ti alŭ wăl.

VOV4.Êđê- Ƀri wưng bi hdơr 74 thŭn hruê knhuah gru êdam êra ba anăp Việt Nam 15/7, mrâo anei ti Sang bruă Khua lăn čar, Khua lăn čar Tô Lâm bi tuôm hŏng phung bi ala Phung êdam êra ba anăp hđăp Việt Nam ƀri wưng nao hgŭm hlăm klei kƀĭn trông kluôm ala Êpul êdam êra ba anăp hđăp Việt Nam

VOV4.Êđê- Leh 10 thŭn hlue ngă asăp mtrŭn mơ̆ng Êpul khua kiă kriê bruă Đảng kơ klei “Hyuă kjăp hĭn klei Đảng kiă kriê hlăm bruă brei čan prăk hlue hdră êlan bi đru”, dŭm êtuh êbâo čô mnuih mâo čan ti čar Gia Lai tlaih leh mơ̆ng klei dleh dlan”.

VOV4.Êđê- Lŏ dơ̆ng pŏk ngă hdră 1371 mơ̆ng Khua knŭk kna wưng thŭn 2021 - 2027, ti să krĭng taih kbưi Krông Jing, kdriêk Mdrak, čar Dak Lak, Knơ̆ng gĭt gai lĭng kahan čar Dak Lak mkŏ mjing knăm “Mtô mblang hdră bhiăn thŭn 2024, bi mjĕ mjuk kdŏ mmuñ – mjuăt ktang asei mlei lehanăn dŭm hdră đru kơ yang ƀuôn”.

VOV4.Êđê- Hruê kăm êgao, Êpul gơ̆ng bruă ƀuôn sang čar Kon Tum mkŏ mjing klei kƀĭn krah thŭn čiăng ksiêm wĭt boh sĭt bruă duh mkra ala ƀuôn 6 mlan akŏ thŭn leh anăn hluê ngă bruă klam 6 mlan knhal jih thŭn. Lu klei dleh kpăk ti alŭ wăl ăt dưi bi êdah hlăm klei kƀĭn anei. Hlăm anăn mâo lu boh klei djŏ tuôm hŏng hdră êlan djuê ana.