VOV4.Êđê - Sa hlăm dŭm klei mâo phung bi ala kơ mnuih ƀuôn sang leh anăn mnuih ƀuôn sang kluôm ala mđing hĭn jing hlăm hruê kăm êgao Bruă kƀĭn ala mkŏ mjing leh Klei bi kƀĭn mjêč tal 8, čiăng ksiêm dlăng kơ phung mă bruă gưl dlông. Ti gŭ klei gĭt gai mơ̆ng Khua bruă kƀĭn ala Trần Thanh Mẫn, Bruă kƀĭn ala ngă leh klei bi mklă ruah mdưm 3 čô K’iăng Khua knŭk kna, Khua phŭn bruă ngăn dŏ leh anăn wăl hdĭp mda; Khua phŭn bruă čih mkra hdră bhiăn; ruah Khua sang phat kđi yang ƀuôn gưl dlông leh anăn Khua Sang ksiêm dlăng kđi klei yang ƀuôn gưl dlông wưng 2021-2026.

VOV4.Êđê- Êlâo kơ mŭt hlăm thŭn hriăm mrâo, Êpul hgŭm kahan hđăp dŭm gưl čar daklak mđup brei leh hdruôm hră čih kơ hđeh hriăm hră gưl sa ƀun ƀin hlăm kluôm čar.

VOV4.Êđê- Hruê kăm êgao, hlăm klei kƀĭn tal 36, Dhar bruă gĭt gai Bruă Kƀĭn ala ngă klei êmuh leh anăn wĭt lač klei êmuh bruă hluê ngă dŭm hdră mtrŭn mơ̆ng Dhar bruă gĭt gai Bruă Kƀĭn ala kơ bruă ktuê dlăng. Phung bi ala uêñ mĭn kơ dŭm boh klei nao mbĭt hŏng klei hdĭp msĕ si ênoh pui kmlă, pui kmlă doh, bi hơĭt ênoh êa săng êa pui, ênoh boh mnga bruă lŏ hma, klei êmô ruă tian leh anăn djiê leh tlŏ vaccine.

VOV4.Êđê- Leh 10 thŭn hluê ngă Asăp mtrŭn mơ̆ng Anôk dlăng bruă Đảng kơ “Hdră mđĭ hĭn klei kiă kriê mơ̆ng Đảng hŏng hdră mtrŭn brei čan prăk đru kơ yang ƀuôn” pia klah čŭn Asăp mtrŭn 40, dŭm êtuh êbâo čô dleh dlan ti Gia Lai đru kpưn đĭ tlaih leh kơ ƀun.

VOV4.Êđê- Hruê kăm êgao, Dhar bruă kƀĭn ala mkŏ mjing klei bi kƀĭn kơ hdră bhiăn mlan 8. Hlăm klei bi kƀĭn anei, Dhar bruă kƀĭn ala mâo leh lu klei blŭ djŏ hŏng boh sĭt, mâo phung bi ala kơ mnuih ƀuôn sang mđing dlăng, anăn jing bruă gang mkhư̆ truih mdjiê klei pui ƀơ̆ng, klei bi mlih prăk jia hƀâo pruê mơ̆ng 0% jing 5% hmăi kơ ƀĭng lŏ hma.

VOV4.Êđê - Ti anăp thŭn hriăm mrâo, tlam 13/8, Lĭng kahan răng mgang knông lăn čar Dak Nông mkŏ mjing Knăm bi mni 39 čô hđeh êdah êdi hlăm dŭm hdră đru kơ phung hđeh krĭng knông lăn hlăm ala čar lehanăn ala čar Campuchia.

VOV4.Êđê - Hlăm wưng êgao, boh sĭt klei êđăp ênang hlăm êlan klông ti dŭm alŭ wăl sang hră ti čar Yên Bái dưi bi hơĭt, khădah adôk mâo lu klei arưp aram hgăm kơ klei trul tơl hlăm êlan klông. Hluê anăn dŭm alŭ wăl leh anăn sang hră mơar bi mguôp hŏng dŭm kahan ksiêm hluê ngă lu hdră êlan, hlăm anăn mâo mkŏ mjing klei bi hmô Êpul čŏng kiă kriê klei êđăp ênang ti ƀăng jang sang hră.

VOV4.Êđê - Hluê si hdră bruă êlan klông ala čar, kah knar grăp hruê, klei truh tơl hlăm êlan klông mă leh klei hdĭp 24 čô leh anăn 60 čô êka. Boh nik, grăp klei truh tơl hlăm êlan klông bi hrŏ 2,5% hnư hrui wĭt, êjai anăn klei đĭ kyar bruă duh mkra ala ƀuôn mơ̆ng lăn čar drei hlăm dŭm thŭn giăm anei mâo mâo mă hlăm brô 6%. Kyuanăn yơh, bruă hâo hưnm hlăk mblang hdră bhiăn lăn čar kơ klei êđăp ênang hlăm êlan klông jing yuôm bhăn sơnăk. Mbĭt anăn jing bi mguôp hŏng klei gak răng, ƀuah mkra klei ngă soh. Anei jing dua hdră êlan mâo bruă sang čư êa dŭm gưl, êpul ngă bruă kluôm lăn čar kñăm hluê ngă hlăm lu thŭn êgao.

VOV4.Êđê- Mơ̆ng hruê 1/8, Hdră bhiăn lăn ala, hdră bhiăn sang dôk, hdră bhiăn mnia mblei sang lăn klă klơ̆ng dưi ba yua, hnưm hĭn 5 mlan. Năng mđing, hdră bhiăn lăn ala thŭn 2024 nao hlăm klei hdĭp srăng bi mâo djăp klei hmăng hmưi mnuih ƀuôn sang, mgaih msir jih hnơ̆ng dŭm klei dôk mâo kơ lăn ala, bi hluh ai dưi mđĭ kyar bruă duh mkra ala ƀuôn.

VOV4.Êđê- Mĭn tĭng srăng mâo hlăm brô 2.000 čô mnuih ƀuôn sang dưi dưn boh tŭ mơ̆ng hdră anei.