Hlăm knăm mphŭn čô leh anăn trŭn kơ bruă, Êpul gĭt gai lăm lui sang dôk êjai, sang tĭ ƀrôč čar Dak Nông mđup brei leh 300 êklăk prăk đru kơ 5 gŏ sang ti să Knông Lăn Thuận An čiăng rŭ mdơ̆ng sang dôk kjăp. Mbĭt hŏng ênoh đru anăn, dŭm gưl bruă sang čư̆ êa alŭ wă, dŭm êpul lĭng kahan jưh ti alŭ wăl ăt srăng đru hruê ai, mnơ̆ng yua đru kơ dŭm gŏ sang hnưm rŭ mdơ̆ng sang mrâo.

Mơ̆ng ngăn prăk dŭm hdră, ngăn păk bi mkrum mguôp mơ̆ng yang ƀuôn, mơ̆ng thŭn 2020 truh kơ ară anei, čar Dak Nông dưi rŭ mdơ̆ng mrâo, mkra wĭt êbah 1.200 boh sang dôk êjai, sang tĭ rưč. Hlăm anăn mâo giăm 1.800 boh sang djăp klei găl  ngă klei đru sang dôk mơ̆ng dŭm hdră mơ̆ng knŭk kna. Gưl anei, čar Dak Nông mâo 540 gŏ sang dưi mâo klei đru rŭ mdơ̆ng sang mrâo hluê hdră mtrŭt mjhar lăm lui sang dôk êjai, sang tĭ rưč mơ̆ng knŭk kna mtrŭt mjhar hŏng ênoh prăk gưl dlông đru jing 40 êklai prăk.