Boh sang mrâo rŭ mdơ̆ng jing sang tal êlâo dôk hlăm Hdră 214 kơ bruă msir lăm sang dôk êjai, sang tĭ ƀrôč mâo Anôk dlăng bruă Đảng čar lehanăn Anôk bruă sang čư̆ êa čar Dak Lak jao kơ Anôk bruă kahan ksiêm čar gĭt gai. Boh sang anei dưi jao kơ Y-Thăn Ksơr, ti ƀuôn Kmiên, să Êa Drông. Amai H’En Niê, anak mniê Y- Thăn brei thâo:

Ama kâo ruă 8 thŭn hŏng anei, amĭ kâo knŏng dôk ti sang kăp dlăng ba ama. Dua ung mô̆ kâo mă bruă pưk hma, jưh knang hlăm klei hiu mă bruă mưn yơh, čiăng mâo prăk yua hlăm klei hdĭp aguah tlam. Sang kâo anei gơ̆ đưm, tĭ brôč jih, ară anei dưi đru mdơ̆ng sang mrâo, khădah điêt ƀiădah yuôm bhăn êdi, dưi gang angĭn gang mđiă hmei hơ̆k mơak êdi”.

Hdră bruă 214 čar jao kơ Anôk bruă kahan ksiêm čar hluê ngă, srăng mdơ̆ng 4.285 boh sang hŏng ênoh prăk êbeh 342 êklai prăk, hŏng ênoh đru grăp boh sang jing 80 êklăk prăk. 3 hdră mkăn srăng mdơ̆ng 1.120 boh sang hlăm thŭn 2025./.