Mơ̆ng anăn, Bruă Đảng kahan ksiêm gưl dlông, phung khua kiă kriê phŭn bruă kahan ksiêm mâo leh hdră êlan đru rŭ mdơ̆ng truh kơ 1.400 boh sang, kơ dŭm gŏ sang knŭk kna dlăng ba, mnuih ƀun ƀin, gŏ sang mnuih djuê ƀiă dleh dlan hlăm čar Kon Tum. Grăp boh sang hŏng ênoh 60 êklăk prăk mơ̆ng prăk bi krum mâo phŭn bruă kahan ksiêm iêo mguôp. Čiăng kơ mâo sang kjăp kơ mnuih ƀuôn sang hdĭp hơĭt, čar Kon Tum srăng lŏ iêo mkrum klei bi đru ti alŭ wăl, hlăm anăn mâo mnuih bi mguôp hrue ai, mnơ̆ng mnuă pioh rŭ mdơ̆ng…

Čar Kon Tum ƀuăn srăng yua klei đru mơ̆ng phŭn bruă kahan ksiêm hŏng klei tŭ dưn, bi leh bruă mdơ̆ng truh 1.400 boh sang êlâo kơ hrue 30/6 thŭn anei. Truh ară anei čar Kon Tum mâo mdơ̆ng mrâo lehanăn mkra wĭt êbeh  1.000 boh sang hlăm ênoh jih jang 2.752 boh sang mâo mdơ̆ng mrâo lehanăn mkra wĭt./.