Leh 4 thŭn pŏk ngă, čar Dak Lak brei čan êbeh 2.100 êklai prăk hlue ngă hdră. Wăt tơdah mâo lu klei gun kpăk, ƀiădah hdră mâo leh klei tŭ dưn jăk tơdah hrŏ leh mkrah wah ênoh gŏ êsei ƀun krĭng mnuih djuê ƀiă, adôk 13,7% hlăm knhal jih thŭn 2024. Dak Lak đru leh êbeh 1000 gŏ êsei mdơ̆ng sang dôk; bi liê rŭ mdơ̆ng leh anăn mkra mđĭ giăm 550 bruă nah gŭ čiăng êdi; mkŏ mjing dŭm boh adŭ lăm lui klei amâo thâo hră, mtô bruă, mđĭ kyar mkra mjing leh anăn kơrŭ wĭt ênoh yuôm dhar kreh djuê ana.

Čar akâo kơ Knŭk kna hnưm mbha prăk bi liê mđĭ kyar adôk kƀah hlue si hdră kčah, ksiêm dlăng hnơ̆ng mđĭ đru kơ lăn dôk, sang dôk, lăn mkra mjing, êa yua djŏ guôp hŏng boh sĭt. Dak Lak ăt kčĕ mkra mlih hdră êlan brei čan mă mnga hdjul leh anăn bi mguôp mbruă hĭn plah wah dŭm Hdră kñăm ala čar čiăng mđĭ klei tŭ dưn.