Aguah 13/5, ti klei bi kƀĭn Anôk bruă kƀĭn ala, Knŭk kna ba mdah leh Hdră mtrŭn bi tai wưng amâo tĭng prăk jia ba yua lăn ngă lŏ hma dưi kčah mtrŭn ti Hdră mtrŭn mrô 55 mơ̆ng Anôk bruă kƀĭn ala kơ klei bi hrŏ, amâo tĭng prăk jia lăn ngă lŏ hma dưi mkra mlih, thiăm mbŏ dŭm mta hluê Hdră mtrŭn mrô 28.

Hluê anăn, bruă lŏ dơ̆ng amâo tĭng prăk jia lăn ngă lŏ hma kñăm bi mklă hdră êlan mtrŭn mơ̆ng Đảng, Knŭk kna kơ bruă lŏ hma, ƀĭng ngă lŏ hma, krĭng ngă lŏ hma; mbĭt anăn đru kơ ƀĭng ngă lŏ hma mtrŭt mđĭ bruă ngă lŏ hma. Hdră mtrŭn amâo tĭng jia, bi hrŏ jia bruă yua lăn ngă lŏ hma dưi hluê ngă mơ̆ng thŭn 2001 truh kơ ară anei, hŏng ênoh bi hrŏ giăm 120 êbâo êklai prăk.  Hlăm wưng thŭn 2021-2023 kah knar grăp thŭn hrŏ hlăm brô 7.500 êklai prăk. Hlăm hdră duh mkra, ngă lŏ hma ară anei, lu klei blŭ bi êdah klei sa ai brei bi tai wưng hluê ngă hdră mtrŭn bi hrŏ jia, amâo tĭng jia yua lăn ngă lŏ hma truh kơ jih thŭn 2030 hluê si klei ba mdah mơ̆ng Knŭk kna./.