Aguah mbruê 12/5, ti ƀuôn prŏng Gia Nghĩa, Phŭn bruă kahan ksiêm bi mguôp hŏng čar Dak Nông mbĭt hŏng dŭm anôk bruă đru mkŏ mjing knăm mtrŭt mjhar trŭn kơ bruă rŭ mdơ̆ng, lăm lui sang dôk êjai, sang tĭ rưč, mbĭt anăn tŭ mă ngăn prăk leh anăn ba jap sang bi hmô ti alŭ wăl čar.

Phŭn bruă kahan ksiêm iêo mkrum leh anăn jao 30 êklai prăk čiăng đru rŭ mdơ̆ng 500 boh sang kơ gŏ sang ƀun, giăm ƀun leh anăn gŏ sang knŭk kna dlăng ba mâo klei hdĭ dleh dlan ti čar Dak Nông.

Hlăm knăm, Trung tướng Phạm Thế Tùng – k’iăng khua Phŭn bruă kahan ksiêm hơêč hmưi kơ dŭm gŏ sang dưi mă sang, mbĭt anăn lač jăk kơ phung đru, dŭm knơ̆ng, dhar bruă ti čar Dak Nông hrăm mbĭt, bi mguôp hŏng Phŭn bruă hlăm bruă hlăm lui sang dôk êjai, sang tĭ ƀrôč ti alŭ wăl. Hluê si hdră kčah, čar Dak Nông srăng lăm lui jih jang 1.755 boh sang tĭ ƀrôč, đru kơ gŏ sang ƀun, giăm ƀun, gŏ sang knŭk kna dlăng ba leh anăn gŏ sang mnuih djuê ƀiă hlăm čar. Yap truh kơ ară anei, čar bi leh hlăm bruă 75% bruă knuă leh anăn mĭn tĭng srăng bi leh bruă lăm lui sang dôk êjai, sang tĭ brôč êlâo kơ hruê 30/8/2025.