Ti Sang hră gưl 2 Chu Văn An (să Ia O, čar Gia Lai), Đại tá Đoàn Ngọc Báu – Khua bruă Đảng lĭng kahan răng mgang knông lăn čar Gia Lai nao mđup brei leh mnơ̆ng, mđĭ ai kơ 2 čô hđeh dôk hlăm Hdră “Đru kơ adei nao sang hră” lehanăn 20 čô hđeh mkăn hlăm Hdră Knuă druh, lĭng kahan đru kơ adei nao sang hră”, hŏng ênoh duh êbeh 150 êklăk prăk. Dŭm hnư mnơ̆ng bi êdah klei khăp, klei đua klam mơ̆ng phung kahan răng mgang knông lăn kơ ênuk gưl hđeh. Anei ăt jing klei mđĭ ai đru kơ phung hđeh lŏ gĭr, hơĭt ai tiê hriăm hră.

Tĭng kluôm knông lăn Gia Lai, dŭm êpul êya lĭng kahan răng mgang knông lăn mđup brei leh 85 hnư mnơ̆ng, grăp hnư 2 êklăk prăk, dôk hlăm hdră Anôk rông kđông kahan răng mgang knông lăn lehanăn 193 hnư mnơ̆ng grăp hnư 7,4 êklăk prăk dôk hlăm hdră Đru kơ adei nao sang hră. Ênoh prăk hluê ngă hdră anei giăm 1,6 êklai prăk./.