Nao hlăm klei bi kƀĭn anei mâo phung khua kiă kriê bruă Đảng čar, Knơ̆ng bruă sang čư̆ êa čar mbĭt hŏng giăm 100 čô phung khua kiă kriê klei đăo. Lâm Đồng ară anei mâo 24 êpul bruă klei đăo mâo tŭ yap hŏng êbeh 1,67 êklăk čô phung đăo, 3.500 čô phung khua kiă kriê klei đăo, lehanăn giăm 1.300 anôk bi kƀĭn djŏ tui si klei bhiăn.  Jih jang bruă klei đăo mâo mkŏ mjing hơĭt, djŏ klei bhiăn, jing "hdĭp jăk đăo djŏ", "sa ai mbĭt ghŏng djuê ana".

Blŭ hrăm ti anôk bi kƀĭn, Phạm Thị Phúc, K'iăng khua bruă Đảng čar, Khua knơ̆ng bruă mặt trận čar mtă kơ dŭm gưl bruă Đảng, bruă sang čư̆ êa lŏ dơ̆ng mđing hmư̆ ai tiê klei mĭn mnuih ƀuôn sang, mjing klei găl kơ phung đăo bi kƀĭn. lehanăn čang hmăng kơ phung khua kiă kriê klei đăo lŏ mđĭ hĭn bruă klam pô, bi mguôp mbĭt hŏng bruă sang čư̆ êa, lehanăn mnuih ƀuôn sang hlue ngă jăk bruă čuăn, đru rŭ mdơ̆ng Lâm Đồng đĭ kyar kjăp./.