K’iăng khua knŭk kna Nguyễn Hòa Bình, Khua êpul gơ̆ng kčĕ kơ bruă phưi êngiê mnă thŭn 2025 mrâo kiă kriê klei bi kƀĭn ksiêm dlăng kơ bruă phưi êngiê mnă djăp klei găl dưi phưi êlâo kơ hrue kčah gưl tal 2, ƀri bi hdơr 80 thŭn hrue mkŏ mjing lăn čar 2/9. Hlue ngă klei bi klă mơ̆ng khua lăn čar, wưng leh êgao, dŭm êpul bruă djŏ tuôm mâo ksiêm leh êbeh 10.000 hră mơar phung mnă mơ̆ng dŭm boh sang mnă hlăm kluôm ala.

Bruă ksiêm anei ngă hŏng klei kjăp, djŏ klei bhiăn, mâo klei ksiêm dlăng mơ̆ng dŭm êpul bruă lehanăn yang ƀuôn.  K’iăng khua knŭk kna bi klă klei phưi êngiê mnă jing bruă prŏng, bi êdah hdră êlan thâo pap mơ̆ng Đảng lehanăn knŭk kna, kñăm mđĭ ai phung mnă mjuăt hriăm bi jăk, pral mâo wĭt hŏng găp djuê, ƀuôn sang. Leh bi ruĕ bruă ksiêm dlăng, êpul gơ̆ng srăng mdah hŏng khua lăn čar bi mklă knhal tuič: Tui si hdră, hrue 29/8 bi êdah ênoh mnuih dưi phưi êngiê, ti hrue 1/9 srăng mkŏ mjing bruă phưi mnă ti dŭm boh sang mnă./.