Hưn mdah ti anôk bi kƀĭn brei ƀuh, leh giăm 8 mlan pŏk ngă, čar mdơ̆ng mrâo lehanăn mkra mđĭ êbeh 8.900 boh sang kơ dŭm gŏ sang ƀun, hŏng ênoh prăk jih jang giăm 698 êklai prăk. Khua bruă Đảng čar Nguyễn Đình Trung mñă, boh tŭ anei amâo djŏ knŏng đru kơ dŭm êbao gŏ sang bi hơĭt anôk dôk ƀiădah lŏ jing hdră msir yuôm bhăn kñăm rơ̆ng klei êđăp ênang ala ƀuôn, mjing tur knơ̆ng mđĭ kyar hơĭt kjăp.

Khua bruă Đảng čar Dak Lak mtă kơ dŭm gưl, dhar bruă lŏ dơ̆ng mđing kơ hdră đru kơ ala ƀuôn, đru kơ hdră duh ƀơ̆ng, gĭr truh kơ thŭn 2030 amâo lŏ dôk gŏ êsei ƀun. Ƀri gưl anei, phung khua kiă kriê čar Đồng Nai jao leh 38 êklai prăk đru kơ hdră msir lăm sang dôk êjai, sang tĭ ƀrôč čar Dak Lak./.