Mơ̆ng hruê 1/7 truh kơ hruê 15/9, Adŭ bruă bi mklă lăn ala mơ̆ng čar Lâm Đồng tŭ mă leh êbeh 77.100 hră mơar lehanăn msir mghaih êbeh 58.500 hră mơar. 124 să, ƀuôn hgŭm mơ̆ng čar tŭ mă leh êbeh 24.200 mta hră mơar, dưi msir mghaih leh 13.300 mtă hră mơar. Boh tŭ brei ƀuh, mâo êbeh 32.000 hră mơar lăn ka dưi msir mghaih.

Bùi Thanh Hà, Kơiăng khua Knơ̆ng bruă lŏ hma lehanăn wăl hdĭp mda čar Lâm Đồng, brei thâo: Dôk mâo lu klei gun kpăk hlăm bruă hluê ngă hdră tŭ mă, msir mghaih ngă hră lăn. Čiăng msir mghaih klei dleh dlan, gun kpăk; mtrŭt mđĭ pral bruă msir mghaih klei ngă hră lăn, Knơ̆ng bruă lŏ hma lehanăn wăl hdĭp mda čar Lâm Đồng dôk pŏk ngă lu hdră msir, hlăm anăn mđing kơ bruă ngă leh klei bhiăn, bi hgŭm hŏng anôk bruă djŏ tuôm, mđĭ hdră mtô mblang, mđing truh kơ hdră ba yua anôk bruă ngă hră mơar online./.