Hdră mdơ̆ng sang ala ƀuôn ti čar Gia Lai dưi ngă mơ̆ng thŭn 2021. Hlăm ênoh 20 hdră bruă dưi bi mklă, mâo 6 hdră bruă dưi bi leh, 3 hdră bruă bi leh sa kdrêč, mkăp giăm 4.500 sang dôk. 10 hdră bruă mkăn dôk ngă leh anăn dơ̆ng ngă, srăng mkăp hlăm brô 7.600 boh sang.

Hlăm anăn hlăm brô 2000 boh sang srăng bi leh kdrêč tal êlâo amâodah srăng bi leh hlăm thŭn anei. Mĭn tĭng, truh jih thŭn 2025, Gia Lai srăng bi leh êbeh 31% hdră kčah mkŏ mjing sang dôk ala ƀuôn wưng 2021 - 2030. Nguyễn Hữu Quế, K’iăng Khua Knơ̆ng bruă sang čư̆ êa čar Gia lai brei thâo, čar dôk kƀĭn mđĭ pŏk ngă hdră bruă, gĭr bi leh 16.600 boh sang hlue si hdră kčah, đru hlue ngă hdră bruă mơ̆ng Knŭk kna kơ “Duh bi liê mdơ̆ng ƀiă êdi 1 êklăk boh sang dôk ti ala ƀuôn kơ phung mâo prăk hrui wĭt ƀiă, phung mă bruă wăl tuh tia mkra mjing wưng 2021 - 2030".