Dŭm hruê êgao, hjan prŏng sui ngă kơ lu să ti alŭ wăl Ngŏ (ti čar Phú Yên hđăp) bi ktlah hjănm ngă kơ lu gŏ sang kƀah mnơ̆ng ƀơ̆ng huă, mnơ̆ng yua, êjai klei đru dŏng tuôm hŏng lu klei dleh dlan kyua êa đĭ pral. Mđing truh kơ krĭng êa lip, lu êpul bruă dôk mjêč tŭ mă, ksiêk mbha, đŭng hruh dŭm mta mnơ̆ng čiăng mơĭt kơ anôk bi ktlah. Dhar bruă mặt trận čar Dak Lak mâo leh hră iêo mthưr bi mkrum mguôp đru kơ mnuih ƀuôn sang mgaih msir klei truh yan adiê ngă, mñă ktang grăp klei đru mguôp wăt tơdah điêt dưn ƀiădah mâo boh tŭ yuôm bhăn hlăm bruă đru kơ mnuih ƀuôn sang găn klei dleh dlan, bi hơĭt klei hdĭp.

.

Čiăng đăm mâo ôh mnuih lĕ hlăm klei ư̆ êpa, lehanăn klei huĭ hyưt, bruă sang čư̆ êa čar Gia Lai tiŏ nao leh êpul dŏng đru. Nguyễn Tuấn Thanh, k’iăng khua knơ̆ng bruă sang čư̆ êa čar Gia Lai, brei thâo čar hlăk ktuh êyuh dŏng đru kơ mnuih ƀuôn sang. Ti dŭm anôk leh mbĕ đuĕ, êpul bruă djŏ tuôm čar Gia Lai ăt gak răng hrue mlam, rơ̆ng mâo klei êđăp ênang, kjăp hlăm bruă mdrao mgŭn, lehanăn mkăp djăp mnơ̆ng ƀơ̆ng huă, êa mnăm, kơ dŭm êtuh čô mnuih mbĕ đuĕ. Dŭm hruh ƀung hdang krô, êa mnăm, abăn mŭng, pui pit. Mâo mkăp truh hlăm grăp anôk. Amâo mâo djŏ knŏng kơ mnuih ƀuôn sang hlăm čar, lu êpul đru dŏng mơ̆ng dŭm boh čar riêng giăm ăt đru kơ Gia Lai, ba lu êa drao gŭn, ao hjan, mnơ̆ng ƀơ̆ng pral pioh đru kơ mnuih ƀuôn sang./.

            -Mnuih ƀuôn sang ti ƀuôn hgŭm Quy Nhơn mprăp mnơ̆ng yua pioh đru kơ mnuih ƀuôn sang êa lip