VOV4.Êđê - Dŭm alŭ wăl ti kwar Krah – Lăn dap kngư brei ba yua jih klei găl mâo, mlih mrâo kñă bi hrŏ ƀun pral, bi hrŏ klei bi kpleh kơ hnơ̆ng hdĭp, hnư hrui wĭt mkă hŏng kluôm ala.

VOV4.Êđê - Bi ala kơ khua gĭt gai Anôk bruă kahan răng mgang knông lăn čar Dak Lak, Anôk bruă ti Lăn Dap Kngư - Sang mđung asăp blŭ Việt Nam (VOV Lăn Dap Kngư), hŏng dŭm anôk bruă đru mkŏ mjing ba yua leh anăn jao “Sang ƀĭng kahan” thŭn 2024 hŏng kahan mâo klei hdĭp dleh dlan ti să krĭng taih kbưi Čư̆ Pui, kdriêk Krông Bông, čar Dak Lak.

VOV4.Êđê - Ti gŭ klei gĭt gai mơ̆ng Khua bruă kƀĭn ala Trần Thanh Mẫn, Dhar bruă kƀĭnb ala mrâo bi kƀĭn brei klei blŭ kơ hdră êlan bi liê kơ Hdră bruă êlan êdeh treng hlăm ktuê êlan Dưr - Dhŭng. Kơiăng Khua bruă kƀĭn ala Nguyễn Đức Hải brei thâo, Dhar bruă kƀĭn ala bi tŭ ư hưn hŏng Bruă kƀĭn ala ksiêm dlăng hdră mtrŭn bi liê hdră bruă êlan êdeh treng hlăm ktuê êlan Dưr- Dhŭng hlăm klei bi kƀĭn tal 8, Bruă kƀĭn ala gưl 15.

VOV4.Êđê - Aguah mbrue, ti ƀuôn prŏng Đà Lạt, čar Lâm Đồng, Knơ̆ng kiă kriê bruă mnuih ngă bruă Việt Nam mkŏ mjing leh klei bi kƀĭn ksiêm wĭt 10 thŭn hlue ngă hdră mtrŭn mrô 217/2013 mơ̆ng phŭn bruă kđi čar gưl 11, kơ bruă ksiêm wĭt klei blŭ mgang mơ̆ng bruă mặt trận.

VOV4.Êđê - Dŭm klei mưng amâo mâo djŏ hlăm mnuih djuê ƀiă ti Lai Châu êlâo dih mâo klei hmăi hlăm bruă klam mơ̆ng phung mniê hlăm gŏ sang leh anăn yang ƀuôn. Hluê ngă Hdră mrô 8 “Hluê ngă klei mtăp mdơr êkei mniê leh anăn mgaih msir dŭm boh klei mjêč hŏng phung mniê leh anăn phung hđeh” dôk hlăm hdră ala čar kñăm Mđĭ kyar bruă duh mkra ala ƀuôn krĭng mnuih djuê ƀiă leh anăn krĭng čư̆ čhiăng wưng thŭn 2021 – 2030, wưng tal 1: mơ̆ng thŭn 2021 – 2025 đru bi mlih klei mĭn, klei thâo săng mơ̆ng yang ƀuôn leh anăn mơ̆ng phung mniê. Đru kơ digơ̆ jhŏng bi klă pô hlăm gŏ sang leh anăn yang ƀuôn.

VOV4.Êđê- Amâo djŏ knŏng bi leh bruă klam phung bi ala mnuih ƀuôn sang, hlăm wưng êgao, Êpul bi ala Bruă Kƀĭn Ala čar Dak Lak lŏ mâo klei uêñ mĭn, mtrŭt mjhar dŭm ai dưi ngă bruă bi hơĭt klei hdĭp yang ƀuôn. Klei uêñ mĭn kơ phung mâo klei hdĭp dleh dlan hlăm krĭng mnuih djuê ƀiă, krĭng taih kbưi mkŏ mjing leh anôk jưh knang đru kơ mnuih ƀuôn sang kpưn đĭ tlaih mơ̆ng klei ƀun ƀin.

VOV4.Êđê- Aguah 1/11, Bruă Đảng čar, Êpul bi ala bruă kƀĭn ala, Êpul gơ̆ng bruă ƀuôn sang, Knơ̆ng bruă sang čư̆ êa, Knơ̆ng bruă mặt trận čar kwar čar Hà Giang mkŏ mjing knăm ba dơr klang phung êngiă asei hlăm klei bi blah răng mgang knông lăn nah Dưr čar kwar ti Wăl msat phung êngiă asei ala čar Vị Xuyên.

VOV4.Êđê- Hlăm wưng êgao, Êpul bruă phung mniê dŭm gưl hlăm lăn čar ngă leh hdră êlan Klei mtăp mđơr êkei mniê leh anăn mgaih msir dŭm boh klei mjêč hŏng phung mniê leh anăn phung hđeh. Hluê anăn, hâo hưn mtrŭt mjhar mnuih ƀuôn sang hlăm yang ƀuôn bi mlih klei mĭn, hdră ngă đru lăm lui klei bi kah êkei mniê, dŭm klei bhiăn kthŭl mluk, mgaih msir đa đa boh klei hŏng phung mniê leh anăn phung hđeh krĭng mnuih djuê ƀiă leh anăn čư̆ čhiăng. Ti Phú Yên, lu thŭn êgao, Êpul bruă phung mniê amâo mâo mdei hluê ngă dŭm hdră êlan čiăng đru, hrăm mbĭt hŏng phung mniê mnuih djuê ƀiă mkŏ mjing gŏ sang yâo mơak, đru kơ digơ̆ mâo thiăm boh kdrŭt, klei găl nao hgŭm hlăm bruă yang ƀuôn, mđĭ hĭn bruă klam leh anăn klei blŭ mơ̆ng phung mniê hlăm yang ƀuôn.

VOV4.Êđê- Khădah mâo klei đru mơ̆ng dŭm hdră bi hrŏ ƀun hơĭt kjăp, ƀiădah lu gŏ sang mnuih djuê ƀiă ti čar Gia Lai ăt adôk dleh dlan hlăm klei tlaih ƀun leh anăn ênưih lŏ wĭt ƀun kyua kƀah lăn mă bruă. Anei jing boh klei ruă kŏ asei hlăm bruă bi hrŏ ƀun mơ̆ng alŭ wăl.

VOV4.Êđê- Hlăm klei bi kƀĭn tal 8, hruê kăm êgao, Bruă kƀĭn ala bi trông leh ti anôk bi kƀĭn kơ dŭm bruă adôk mâo lu klei blŭ mdê mdê mơ̆ng hră čih hdră bhiăn kơ phung ka truh êdam êra. Phung bi ala mtă brei ksiêm dlăng bi nik hdră kčah kơ klei bi kmhal ba yua hŏng phung ka truh êdam êra, rơ̆ng bi huĭ, gang mkhư̆ phung ngă soh, mđĭ klei jăk hlăm bruă msir mgaih phung ka truh êdam êra ngă soh.