Klei kƀĭn mâo klei nao hgŭm mơ̆ng phung amĭ Việt Nam jhŏng ktang, gŏ sang lĭng kahan djiê êngiă leh anăn giăm 200 čô bi ala kơ êbeh 7000 čô hgŭm hlăm lăn čar. Hưn mdah boh tŭ dưn wưng thŭn 2020 - 2025 brei ƀuh êpul ngă leh bruă hdră bi hdơr klă klơ̆ng, mbruă, mâo boh tŭ dưn năng čih yap, dưi leh dŭm hnơ̆ng čuăn leh anăn lu mta phŭn êgao hdră kčah msĕ si hrui kƀĭn, mkŏ, bi klă klei hưn msat lĭng kahan djiê êngiă, đru mđuĕ klang, rŭ mdơ̆ng sang bi mguôp, mđup brei mnơ̆ng leh anăn ngă bruă jăk.

Dŭm mta bruă mơ̆ng êpul djŏ hdră bhiăn, kơhưm dưi bi klă, jing anôk đăo knang mơ̆ng gŏ sang lĭng kahan djiê êngiă, êpul bruă, knơ̆ng bruă leh anăn jing kdrông mkŏ plah wah Đảng, Knŭk kna hŏng dŭm gŏ sang lĭng kahan djiê êngiă, đru bi lar klei khăp hlăm lăn čar leh anăn êngao lăn čar.