Ti anăp klei čiăng lu kơ mnơ̆ng rŭ mdơ̆ng, Knơ̆ng bruă sang čư̆ êa čar mtă kơ dŭm alŭ wăl mjêč iêô mkrum klei găl, rơ̆ng mkăp djăp ênŭm, hơĭt anôk ba čhĭ, amâo brei mâo klei mkăm mnơ̆ng dhơ̆ng, mđĭ ênoh. Kluôm čar ară anei mâo 89 boh sang dlưh rai, đung čiăng lŏ mdơ̆ng leh anăn giăm 300 boh sang jhat rai kjham brei mkra mđĭ.

Truh ară anei, êbeh 50 boh sang dưi rŭ mdơ̆ng, 46 boh sang mâo mkra mđĭ ti 30 să, ƀuôn hgŭm, hŏng klei hgŭm mơ̆ng jih bruă kđi čar, êpul kahan ksiêm, lĭng kahan leh anăn êpul êya duh mkra. Knơ̆ng bruă sang čư̆ êa čar mtă kơ bruă djŏ tuôm mđĭ klei ksiêm dlăng, msir mgaih klei mkăm mnơ̆ng, kpĭ ênoh. Hlue si Knơ̆ng bruă rŭ mdơ̆ng Khánh Hòa, čar đru 60 êklăk prăk kơ grăp boh sang mkra mrâo leh anăn mbha 500 ton ximăng, gĭr bi leh êlâo hruê  15/1/2026 leh anăn mkra mđĭ êlâo hruê 31/12/2025.