Quân đoàn 34 jao boh sang tal êlâo hlăm “hdră êlan Quang Trung” ti Gia Lai
Thứ năm, 10:38, 18/12/2025
Pô mblang: Y-Khem Niê
Pô mblang: Y-Khem Niê
VOV.Êđê - Aguah mbrue 17/12, Quân đoàn 34 mkŏ mjing leh klei ba jao boh sang tal êlâo dôk hlăm “hdră êlan Quang Trung” – jing bruă rŭ mdơ̆ng lehanăn mkra wĭt pưk sang kơ mnuih ƀuôn sang tuôm hŏng klei êa ngă ti kwar krah.
Leh giăm 15 hrue rŭ mdơ̆ng hŏng klei pral, sang mrâo mdơ̆ng ti alŭ Chánh Hội, ƀuôn hgŭm Phù Mỹ, čar Gia Lai mâo bi leh lehanăn dưi ba jao kơ gŏ sang Tô Thị Sửa (88 thŭn).
Hlăm klei rŭ mdơ̆ng, knuă druh, lĭng kahan mơ̆ng Quân đoàn 34 jing pô phŭn hlăm bruă rŭ mdơ̆ng, mbĭt anăn mâo truh 130 hrue ai bi mă bruă, mâo mdơ̆ng bi leh sa boh sang kjăp jăk. Kluôm čar Gia Lai mâo 674 boh sang jhat rai jih ƀhut kyua êa ngă mơ̆ng angĭn êbŭ mrô 13, ară anei hlăk hlê dôk rŭ mdơ̆ng, tĭng srăng bi leh êlâo kơ hrue 20/1/2026, đru mnuih ƀuôn sang pral bi hơĭt klei hdĭp mda, drông Tết Nguyên đán tmâo dôk hlăm dŭm boh sang mrâo./.
Viết bình luận