VOV4.Êđê- Lăm lui klei amâo thâo hră sa hlăm dŭm boh phŭn yuôm bhăn đru mđĭ klei thâo mnuih ƀuôn sang, mđĭ hnơ̆ng klei hdĭp mnuih ƀuôn sang. Ti Gia Lai, bruă anei dưi pŏk ngă jăk, boh nik ti krĭng mnuih djuê ƀiă.

VOV4.Êđê- Aguah 30/12, Kơiăng khua knŭk kna Nguyễn Hoà Bình nao lehanăn blŭ hrăm ti anôk bi kƀĭn ksiêm wĭt hdră djuê ana thŭn 2024 lehanăn pŏk ngă bruă hlăm thŭn 2025.

VOV4.Êđê- Ti Hà Nội mrâo mkŏ mjing Klei kƀĭn trông hyuă kjăp, hluê ngă dŭm hdră bhiăn, hdră mtrŭn dưi bi klă hlăm klei kƀĭn tal 8, Bruă kƀĭn ala gưl 15. Klei kƀĭn trông mơ̆ng Khua bruă Kƀĭn ala Trần Thanh Mẫn leh anăn Khua knŭk kna Phạm Minh Chính gĭt gai, dưi mkŏ online hŏng 63 čar ƀuôn prŏng hlăm lăn čar. Hlăm klei kƀĭn trông, Khua knŭk kna mñă kơ Knŭk kna leh anăn Bruă kƀĭn ala srăng hrăm mbĭt ba mdah dŭm hdră bhiăn, hdră mtrŭn hlăm klei hdĭp, bi mâo djăp klei hmăng hmưi mơ̆ng mnuih ƀuôn sang.

VOV4.Êđê- Klei bi blah jih sui leh ƀiădah dŭm thŭn mlan “riêk êlan duôr čư̆ prŏng mtlaih ala čar “ăt dôk nanao hlăm ai tiê phung tuôm găn klei blah ngă. Klei yăl dliê mơ̆ng phung găn klei hƀuê ênuk - phung nao hlăm klei ngă bruă krơ̆ng kjăp êlan Duôr čư̆ prŏng, đru kơ ai ktang mnuih, ai ktang mơ̆ng nah tluôn kwar Dưr hlăm kdrăn bi blah kwar Dhŭng, čih leh klei hƀuê ênuk kdrưh kơăm hlăm ktuê êlan Duôr Čư̆ Prŏng - êlan Hồ Chí Minh mâo lu klei yăl dliê yuôm bhăn, đru mguôp prŏng prĭn hlăm klei mtlaih êngiê djuê ana, hluh lir lăn čar.

VOV4.Êđê - Hruê kăm êgao Khua bruă kƀĭn ala Trần Thanh Mẫn hlăm klei kƀĭn hŏng dŭm anôk bruă mơ̆ng Bruă Kƀĭn Ala ksiêm wĭt bruă knuă thŭn 2024. Khua bruă kƀĭn ala Trần Thanh Mẫn mñă kơ klei ƀuh mkra hlăm anôk Bruă Kƀĭn Ala srăng ngă klă mngač hĭn. Si srăng ngă čiăng kơ kơhưm mơ̆ng Bruă Kƀĭn Ala dưi mđĭ hĭn hlăm yang ƀuôn, hlăm mnuih ƀuôn sang. Yuôm bhăn hĭn jing mnuih ƀuôn sang đăo knang hŏng Bruă Kƀĭn Ala, Bruă Kƀĭn Ala srăng kyua mnuih ƀuôn sang”.

VOV4.Êđê- Mbĭt hŏng bruă klam kriê dlăng klei suaih pral kơ phung knuă druh, lĭng kahan knông lăn, êpul lĭng kahan mdrao mgŭn mơ̆ng lĭng kahan knông lăn čar Gia Lai lŏ nao hgŭm răng mgang klei suaih pral mnuih ƀuôn sang ti nah gŭ. Hŏng phung êa mdrao ao mtah, đru kơ mnuih ƀuôn sang ti knông lăn amâo djŏ knŏng mdrao mgŭn klei ruă ƀiădah lŏ hâo hưn, đru kơ mnuih ƀuôn sang thâo klă hĭn kơ bruă kriê dlăng klei suaih pral, gang mkhư̆ klei ruă tưp, ksul mbŭ klei đăo knang mơ̆ng mnuih ƀuôn sang hŏng lĭng kahan knông lăn. Ƀri wưng bi hdơr 80 thŭn hruê mkŏ mjing lĭng kahan yang ƀuôn Việt Nam:

VOV4.Êđê- Êpul gơ̆ng bruă ƀuôn sang čar Gia Lai mâo hdră mtrŭn jăk găl lehanăn đru mjuăt bi hriăm phung aê mdrao ti dŭm anôk bruă knŭk kna wưng thŭn 2025-2030.

VOV4.Êđê- Hlăm klei kƀĭn tal 9, Êpul gơ̆ng bruă ƀuôn sang čar Dak Lak gưl 10 mrâo bi klă hdră mtrŭn “Klei čuăn đru thiăm kơ phung knuă druh, phung mă bruă knŭk kna gưl să, mnuih mă bruă, pô mă bruă đru ti gưl să êbeh kyua mkŏ dap anôk bruă knŭk kna gưl să wưng thŭn 2023 – 2030 hlăm čar Dak Lak”.

VOV4.Êđê- Êpul gơ̆ng bruă ƀuôn sang čar Gia Lai mrâo mâo hdră mtrŭn đru kơ phung knuă druh mnuih ngă bruă amâo mâo truăn kơ bruă jing ênoh mnuih êbeh hlăm gưl să wưng thŭn 2023-2025 srăng đru lu êdi 100 êklăk prăk/čô mnuih.

VOV4.Êđê- Ƀri bi hdơr 80 thŭn Hruê mkŏ mjing Lĭng kahan yang ƀuôn Việt Nam, Anôk bruă sang čư̆ êa čar Dak Lak mkŏ mjing leh knăm bi tuôm hŏng phung knuă druh gưl dlông, khua kahan truh thŭn mdei bruă.