Bi ala kơ phung khua kiă kriê lăn čar, Khua lăn čar bi myuôm lehanăn hơêč hmưi dŭm boh tŭ dưn mơ̆ng bruă Đảng, bruă sang čư̆ êa lehanăn mnuih ƀuôn sang mbĭt hŏng lĭng kahan yang ƀuôn čar Phú Thọ mâo leh hlăm thŭn  2025.

Êlâo kơ Tết djuê ana, Khua lăn čar mtă kơ gưl bruă Đảng, bruă sang čư̆ êa dŭm gưl čar Phú Thọ lŏ dơ̆ng bi kjăp jih jang hdră êlan mơ̆ng Đảng, knŭk kna duh mĭn kơ klei hdĭp mnuih ƀuôn sang, mkŏ mjing Tết Bính Ngọ thŭn  2026 rơ̆ng mâo klei mơak mñai, êđăp ênang lehanăn mkiêt mkriêm, boh nik mđing truh hŏng phung knŭk kna dlăng ba, čuă êmuh amĭ Việt Nam Jhŏng ktang, kahan êka êkeh, kahan ruă duam, gŏ sang phung djiê êngiă kơ lăn čar, mnuih mâo bruă tŭ dưn hŏng cách mạng, mnuih mă bruă tuôm hŏng klei dleh dlan, mnuih ƀun. ƀri wưng anei, Khua lăn čar mđup brei leh 500 hnư mnơ̆ng kơ gŏ sang ƀun, 500 hnư mnơ̆ng kơ mnuih mă bruă găn klei dleh dlan./.