Blŭ hrăm hlăm hdră, k’iăng khua Bruă Kbĭn ala Vũ Hồng Thanh bi mni kơ dhar bruă mặt trận Việt Nam dŭm gưl, Êpul hgŭm mnuih mă bruă Việt Nam, Êpul hgŭm mnuih mă bruă čar Quảng Ngãi leh anăn dŭm êpul bruă hgŭm čŏng pô iêo jak ai dưi mơ̆ng yang ƀuôn, mkŏ mjing lu mta bruă klă klơ̆ng kriê dlăng tết kơ mnuih mă bruă, phung mă bruă mâo klei hdĭp dleh dlan, gŏ sang Knŭk kna dlăng ba leh anăn phung awăt êdu.

Mñă ktang bruă klam hlăm wưng kơ anăp, k’iăng khua Bruă Kbĭn ala Vũ Hồng Thanh mñă kơ bruă mặt trận čar kwar leh anăn dŭm gưl bruă công đoàn lŏ dơ̆ng nao klă hŏng nah gŭ, hmao thâo klă klei čiăng, klei hmăng hmưi mơ̆ng mnuih ƀuôn sang leh anăn mnuih mă bruă, čŏng pô đru kčĕ, bi êdah hdră êlan klă klơ̆ng, tŭ dưn čiăng kriê dlăng jăk hĭn kơ klei hdĭp, ai tiê kơ phung đoàn viên, mnuih mă bruă.