Anei jing dŭm boh sang tal êlâo hlăm Hdră Quang Trung dưi bi leh leh anăn ba jao ti čar Dak Lak. 5 boh sang mơ̆ng Sư đoàn Bộ binh 10, Quân đoàn 34 rŭ mdơ̆ng, ba jao kơ dŭm gŏ sang ti alŭ Trung Hoà leh anăn Đông Hòa, să Sơn Hoà.

Hlăm 3 hruê kăm ngă bruă, Sư đoàn Bộ binh 10 bi mguôp hŏng gưl bruă Đảng nah gŭ, Bruă sang čư̆ êa alŭ wăl, êpul kiă kriê hdră leh anăn phung ngă bruă, bi tŭ ư hŏng dŭm gŏ sang kơ hdră êlan ngă bruă mơ̆ng hruê 6/12/2025. Truh kơ ară anei, grăp boh sang dưi bi leh hŏng ênhă 44m2, ênoh 170 êklăk prăk sa boh sang mâo Knŭk kna đru mbĭt hŏng giăm 300 hruê ai mơ̆ng lĭng kahan leh anăn klei đru mơ̆ng mnuih ƀuôn sang. Leh 5 boh sang anei, mĭn tĭng hlăm hruê 04/01/2026, Kahan alŭ wăl 5 srăng bi mguôp hŏng dŭm čar Dak Lak, Gia Lai leh anăn Khánh Hoà ba jao gưl tal êlâo kơ 123 gŏ sang. Hlăm, Dak Lak lu hĭn hŏng 90 boh sang.