VOV4.Êđê- Mbĭt hŏng bruă klam kriê dlăng klei suaih pral kơ phung knuă druh, lĭng kahan knông lăn, êpul lĭng kahan mdrao mgŭn mơ̆ng lĭng kahan knông lăn čar Gia Lai lŏ nao hgŭm răng mgang klei suaih pral mnuih ƀuôn sang ti nah gŭ. Hŏng phung êa mdrao ao mtah, đru kơ mnuih ƀuôn sang ti knông lăn amâo djŏ knŏng mdrao mgŭn klei ruă ƀiădah lŏ hâo hưn, đru kơ mnuih ƀuôn sang thâo klă hĭn kơ bruă kriê dlăng klei suaih pral, gang mkhư̆ klei ruă tưp, ksul mbŭ klei đăo knang mơ̆ng mnuih ƀuôn sang hŏng lĭng kahan knông lăn. Ƀri wưng bi hdơr 80 thŭn hruê mkŏ mjing lĭng kahan yang ƀuôn Việt Nam:

VOV4.Êđê- Êpul gơ̆ng bruă ƀuôn sang čar Gia Lai mâo hdră mtrŭn jăk găl lehanăn đru mjuăt bi hriăm phung aê mdrao ti dŭm anôk bruă knŭk kna wưng thŭn 2025-2030.

VOV4.Êđê- Hlăm klei kƀĭn tal 9, Êpul gơ̆ng bruă ƀuôn sang čar Dak Lak gưl 10 mrâo bi klă hdră mtrŭn “Klei čuăn đru thiăm kơ phung knuă druh, phung mă bruă knŭk kna gưl să, mnuih mă bruă, pô mă bruă đru ti gưl să êbeh kyua mkŏ dap anôk bruă knŭk kna gưl să wưng thŭn 2023 – 2030 hlăm čar Dak Lak”.

VOV4.Êđê- Êpul gơ̆ng bruă ƀuôn sang čar Gia Lai mrâo mâo hdră mtrŭn đru kơ phung knuă druh mnuih ngă bruă amâo mâo truăn kơ bruă jing ênoh mnuih êbeh hlăm gưl să wưng thŭn 2023-2025 srăng đru lu êdi 100 êklăk prăk/čô mnuih.

VOV4.Êđê- Ƀri bi hdơr 80 thŭn Hruê mkŏ mjing Lĭng kahan yang ƀuôn Việt Nam, Anôk bruă sang čư̆ êa čar Dak Lak mkŏ mjing leh knăm bi tuôm hŏng phung knuă druh gưl dlông, khua kahan truh thŭn mdei bruă.

VOV4.Êđê - Tlam 15/12, ti ƀuôn prŏng Ƀuôn Ama Thuôt mkŏ mjing Hdră “Bi tuôm leh anăn bi mni kơ phung hđeh mnuih djuê ƀiă hriăm gưl prŏng êdah êdi” čar Dak Lak ttal 16.

VOV4.Êđê - Hruê kăm êgao, hlăm klei kƀĭn gưl tal 40, Dhar Bruă Kƀĭn Ala ksiêm dlăng leh klei hưn bruă klei čiăng mnuih ƀuôn sang mơ̆ng Bruă Kƀĭn Ala mlan 10 leh anăn mlan 11 thŭn anei. Dhar bruă Bruă Kƀĭn Ala mñă: bruă dăp mnuih mă bruă mơ̆ng bruă kđi čar khuăt srăng mâo hdră êlan ktang leh anăn kdlưn hĭn čiăng mtrŭt mjhar, mkŏ mjing klei găl kơ êpul knuă druh hlăm klei dăp, bi hrŏ mnuih mă bruă, mkŏ wĭt êpul knuă druh, phung mă bruă knŭk kna, mnuih mă bruă.

VOV4.Êđê- Čar Kon Tum mâo êbeh 292 km êlan knông lăn ala čar bi knông hŏng Lao leh anăn Campuchia. Hŏng ai tiê “Kđông jing sang, knông lăn jing ƀuôn sang, mnuih ƀuôn sang jing ayŏng adei sa amĭ”, êpul kahan knông lăn Kon Tum mâo leh lu bruă ngă bi mguôp lĭng kahan mnuih ƀuôn sang ti knông lăn đru kơ klei hdĭp mnuih ƀuôn sang ti anôk phŭn čar kwar ƀrư̆ jăk siam, ai tiê mnuih ƀuôn sang kjăp hĭn.

VOV4.Êđê- Leh 14 thŭn ngă hdră tla prăk răng mgang dliê bi hơĭt hdră duh ƀơ̆ng kơ dŭm pluh gŏ sang mnuih djuê ƀiă ti čar Lâm Đồng, lu jing mnuih djuê ƀiă. Dưi dưn boh tŭ mơ̆ng dliê, kyuanăn klei thâo săng leh anăn bruă klam hlăm bruă răng mgang dliê mơ̆ng mnuih ƀuôn sang anô anei ƀrư̆ hruê ƀrư̆ mđĭ hĭn, răng mgang tŭ dưn dliê mơ̆ng alŭ wăl.

VOV4.Êđê- Hruê kăm êgao, leh mjưh ruĕ Klei bi kƀĭn tal 8, Bruă kƀĭn ala gưl 15, Khua hlăm Phŭn bruă kđi čar, Khua dlăng bruă Đảng gưl dlông, Khua Anôk kriê dlăng bruă knuă Gưl dlông Phan Đình Trạc hŏng Êpul bi ala bruă kƀĭn ala čar Lâm Đồng bi tuôm leh hŏng phung bi ala kơ mnuih ƀuôn sang hlăm dŭm alŭ wăl čar Lâm Đồng. Phung bi ala kơ mnuih ƀuôn sang Lâm Đồng akâo kơ lu bruă yuôm bhăn, hlăm anăn mâo bruă mđĭ hdră duh ƀơ̆ng mnuih ƀuôn sang mguôp hŏng bruă kriê dlăng răng mgang dliê, boh klei mtŭk mtŭl, gun kpăk hlăm klei msir mgaih hră mơar knŭk kna.