Klă klơ̆ng, Phŭn bruă mdrao mgŭn ba mdah leh hră anăn klei mkă dlăng hlăm hdră mkă dlăng klei suaih prăk amâo mâo mă prăk kluôm ala, dưn yua mơ̆ng thŭn 2026. Klei mkă dlăng mâo, mkă dlăng hlăm lam, knga dŭng đŏk, mkă dlăng êrah, êa iêk leh anăn mă rup Xquang kboh, ksŏ, čiăng ksiêm dlăng dŭm klei ruă mâo lu msĕ si ruă kboh, mâo mta mmih hlăm êran, ruă tiê, ruă boh ƀleh. Leh mkă dlăng, mnuih ƀuôn sang dưi đru kčĕ nao ksiêm dlăng ti gưl nah dlông tơdah ƀuh klei klei ruă.

Bruă mkă dlăng mĭn tĭng ngă ti anôk mdrao mgŭn să, ƀuôn hgŭm čiăng rơ̆ng dưi pŏk mlar, gưl nah dlông srăng đru êjai nah gŭ kƀah mnuih mă bruă amâodah kdrăp yua. Êngao kơ êpul ka mâo hdră ênua mdrao mgŭn, gŏ sang Knŭk kna dlăng ba, phung mâo ai đru ăt dôk hlăm êpul mđing tal êlâo, êjai phunug mă bruă lŏ dơ̆ng mkă dlăng gưl ti anăp ăt mâo klei čuăn mdê. Hdră êlan anei đru kơ mnuih ƀuôn sang hmao ƀuh dŭm klei ruă kreh mâo msĕ si mâo mta mmih hlăm êrah, kboh, tiê, ƀoh ƀleh, mbĭt anăn bi sĭt mta kñăm anăp truh lui prăk đih mdrao ti sang êa drao hlăm thŭn 2030.