Klă klơ̆ng, čar Lâm Đồng kčah truh thŭn 2030 gĭr mâo mơ̆ng 151 -16 să leh anăn 117 alŭ krĭng mnuih djuê ƀiă, čư̆ čhiăng tlaih mơ̆ng klei dleh dlan.

Čiăng ngă hdră anei, Lâm Đồng srăng pŏk ngă hrăm mbĭt hdră msir mđĭ kyar bruă duh mkra ala ƀuôn, hlăm anăn mđing bi liê anôk bruă nah gŭ đru mkra mjing, mjing hdră duh ƀơ̆ng kjăp kơ mnuih ƀuôn sang. Mbĭt anăn mđĭ hnơ̆ng jăk bruă mtô bi hriăm, kriê dlăng klei suaih pral, mđĭ kyar mnuih mă bruă leh anăn kriê pioh dhar kreh djuê ana. Êngao anăn, čar ăt srăng mđing iêô mkrum klei găl ala ƀuôn, mđĭ lar klei mâo leh ti alŭ wăl, mơ̆ng anăn grăp knhuang mkra mđĭ klei hdĭp mda, mjing klei bi mlih klă mngač hlăm dŭm krĭng adôk lu klei dleh dlan.