Ară anei kdrăp hâo hưn nah gŭ ti čar Lâm Đồng grăp knhuang mâo bi liê, mkra mđĭ hlue si hdră mrâo mrang. Kluôm čar mâo 94 anôk mđung asăp gưl să. Lu alŭ wăl pŏk ngă leh hdră mđung asăp thâo mĭn, ba yua kdrăp mrâo mjing boh hră jing asăp blŭ, đru kơ asăp blŭ mnuih djuê ƀiă. Khădah snăn, klei bi kƀĭn ăt ktrâo lač  kơ lu klei kƀah msĕ si anôk bruă kdrăp mrâo hâo hưn ti dŭm alŭ wăl ka hrăm mbĭt; kdrăp mđung asăp ba yua kdrăp hâo hưn - dang kông ka kluôm alŭ wăl, êlan Internet ti krĭng taih kbưi anôk kƀah...

Knơ̆ng bruă sang čư̆ êa čar Lâm Đồng akâo kơ dŭm knơ̆ng, dhar  bruă, alŭ wăl lŏ dơ̆ng mđĭ mlih mrô hlăm klei hâo hưn nah gŭ, mđing bi liê, mđĭ anôk bruă nah gŭ hlue si hdră hrăm mbĭt, mrâo mrang, pŏk mlar kdrăp mđung asăp yua kdrăp mrâo hâo hưn - dang kông; mbĭt anăn bi leh, mtô bi hriăm knuă druh klam bruă hâo hưn leh anăn mlih mrô ti nah gŭ.