Tlam mbrue 28/5, ti Sang bruă kƀĭn ala, Êpul gơ̆ng bruă djuê ana hlăm bruă kƀĭn ala mkŏ mjing knăm bi hdơr 65 thŭn hrue mkŏ mjing, lehanăn drông mă mêđai mă bruă mrô 1. Khua bruă kƀĭn ala Trần Thanh Mẫn nao lehanăn blŭ gĭt gai klei bi kƀĭn. Găn hlăm 65 thŭn mă bruă, Êpul gơ̆ng bruă djuê ana mâo leh lu klei đru mguôp yuôm bhăn  hlăm bruă mkŏ mjing klei bhiăn, bruă kăp ksiêm, lehanăn bi mklă dŭm bruă prŏng kơ lăn čar; nao hlăm klei tui ksiêm, đru kčĕ lu mta klei hlăm bruă čih mkra hdră bhiăn, bi leh hdră êlan hŏng mnuih djuê ƀiă, krĭng čư̆ čhiăng krĭng taih kbưi, Khua bruă kƀĭn ala Trần Thanh Mẫn čih pioh, bi mni dŭm klei gĭr klei duh myơr leh mơ̆ng dŭm gưl phung knuă druh Êpul gơ̆ng bruă djuê ana.

Wưng tinăp, Khua bruă kƀĭn ala čang hmăng kơ Êpul gơ̆ng bruă djuê ana mđĭ hĭn bi kjăp bruă ksiêm duah, tĭng knăl kơ dŭm hdră êlan, rơ̆ng mâo klei mđĭ kyar hlăm klei mtăp mđơr, kriê pioh dŭm knhuah gru dhar kreh, lehanăn bi kjăp klei bi mguôp jih jang djuê ana. Mbĭt anăn, dŭm hdră êlan kơ mnuih ƀuôn sang brei klă mngač, năng hŏng klei jing sĭt, djŏ tui si klei mnuih ƀuôn sang čiăng./.