VOV4.Êđê- Sa ai hŏng mlan ngă bruă kyua phung hđeh thŭn 2025, tlam mbruê 10/6, kahan ksiêm čar Gia Lai mkŏ mjing hdră bi tuôm hŏng 28 čô hđeh jing anak rông mơ̆ng êpul.

VOV4.Êđê- Khua knŭk kna Phạm Minh Chính mrâo bi mklă Asăp mtrŭn ba mơĭt kơ dŭm Phŭn, dhar bruă, dŭm čar ƀuôn prŏng hlăm Gưl dlông, mtă brei bi leh mta kñăm msir lăm sang dôk êjai, sang tĭ ƀrôč hlăm kluôm ala êlâo kơ hruê 31/8/2025.

VOV4.Êđê- Ti čar Gia Lai, mơ̆ng akŏ thŭn truh kơ ară anei, mơ̆ng akŏ thŭn, hdră msir lăm sang dôk êjai, sang tĭ ƀrôč pral dưi pŏk ngă hŏng klei gĭt gai kjăp mơ̆ng bruă Đảng, bruă sang čư̆ êa alŭ wăl dŭm gưl. Leh 6 mlan, kluôm čar mdơ̆ng êbeh 7.630 boh sang, ară anei mâo hlăm brô 5.250 boh sang dưi ngă leh. Klei gĭt gai kjăp mơ̆ng bruă Đảng lehanăn klei ba anăp mơ̆ng phung knuă druh, đảng viên jing leh mta phŭn bi mklă klei tŭ dưn mơ̆ng hdră bruă anei.

VOV4.Êđê- Truh kơ ară anei, čar Kon Tum jao leh hlăm brô 2.000 boh sang mrâo kơ mnuih ƀuôn sang, đru dŭm êbâo gŏ sang tlaih mơ̆ng sang dôk êjai, sang tĭ ƀrôč.

VOV4.Êđê- Klei bi kƀĭn tal 46 mơ̆ng Dhar bruă kƀĭn ala mkŏ mjing hlăm 6 hruê (mơ̆ng hruê 3-6 mlan 6 leh anăn mơ̆ng hruê 9-10/6. Hruê kăm êgao, Dhar bruă kƀĭn ala brei klei blŭ kơ dŭm hră čih Hdră bhiăn, hlăm anăn mâo dŭm boh phŭn mâo phung bi ala kơ mnuih ƀuôn sang mđing, anăn jing hră čih Hdră bhiăn mkŏ mjing bruă sang čư̆ êa alŭ wăl (mlih mrâo), kñăm mđing kơ klei mbha gưl bruă sang čư̆ êa alŭ wăl hŏng bruă ngă jih hnơ̆ng.

VOV4.Êđê- Yan mdei prŏng thŭn 2025 ti Gia Lai, dŭm anôk bruă djŏ tuôm mđing truh kơ bruă mđĭ ai wăt kơ mnơ̆ng dhơ̆ng lehanăn ai tiê klei mĭn hŏng phung hđeh ƀun, phung hđeh mnuih djuê ƀiă čiăng kơ hđeh hơĭt ai tiê hlăm klei hriăm hră.

VOV4.Êđê - Tlam 2/6, Khua knŭk kna Phạm Minh Chính gĭt gai Klei bi kƀĭn pŏk ngă hdră mtrŭn 201 mơ̆ng Bruă kƀĭn ala kơ klei lông ngă klei bhiăn, hdră êlan mđĭ kyar sang dôk ala ƀuôn.

VOV4.Êđê- Ti Klei bi kƀĭn tal 9, Anôk bruă kƀĭn ala gưl 15, phung bi ala bi trông ti Êpul kơ klei čih mkra Hdră mtrŭn mơ̆ng Anôk bruă kƀĭn ala kơ klei lui, đru prăk tăk hriăm hră kơ phung hđeh mơ̆ng gưl điêt truh kơ gưl tlâo, mnuih hriăm hră ti dŭm anôk mtô bi hriăm. Lu phung bi ala bi mklă, anei jing hdră mtrŭn bi êdah klei thâo bi đru, klei jăk mơ̆ng hdră êlan, rơ̆ng klei mtăp mđơr hlăm hdră mjuăt bi hriăm. Khă snăn, brei tĭng dlăng klă ngăn prăk mơ̆ng alŭ wăl, boh nik dŭm alŭ wăl dleh dlan tơdah pŏk ngă Hdră mtrŭn anei.

VOV4.Êđê-Tlam mbrue 30/5, Khua bruă mặt trận čar kwar gưl dlông Việt Nam Đỗ Văn Chiến djă akŏ êpul mă bruă truh leh kơ kdriêk Čư̆ Păh, čar Gia Lai ngă dŭm bruă bi đru yang ƀuôn.

VOV4.Êđê- Aguah 30/5, Êpul hgŭm phung mniê čar Dak Lak mkŏ mjing Klei bi kƀĭn ksiêm wĭt dŭm hdră bruă đru kơ phung mniê mphŭn čô̆ kơ bruă leh anăn hgŭm msir mgaih klei kơ ala ƀuôn.