Sang hră Dhar kreh kahan ksiêm yang ƀuôn II  jing sang hră gưl tlâo knŭk kan rông ba mlir gưl mơ̆ng gưl sa truh gưl tlâo, hlăm bruă kahan ksiêm čar Dak Lak. Hŏng phung mâo hrŏng ruah jing anak phung kahan êka êkeh, êngiă asei; anak čô knŭk kna dlăng ba, phung hđeh mnuih djuê ƀiă mâo klei hdĭp dleh dlan; phung hđeh mâo ala ƀuôn đru ba leh anăn phung hlăm hdră bi hgŭm hŏng tač êngao mơ̆ng Phŭn bruă kahan ksiêm.

Thŭn 2026-2027, Sang hră ruah ti dŭm čar Dak Lak, Gia Lai, Lâm Đồng leh anăn Quảng Ngãi. Mơ̆ng thŭn 2027-2028, pŏk mlar anôk ruah hlăm kluôm ala. Hlăm wưng 2026-2030,  Sang hră mĭn tĭng mâo hnơ̆ng mtô bi hriăm grăp thŭn hlăm brô 1.500 čô hđeh sang hră 3 gưl. Phung hđeh hriăm ti sang hră srăng mâo đru prăk hriăm hră leh anăn hdĭp mda; mbĭt anăn mâo mtô bi hriăm kluôm kơ dhar kreh, knuih hdĭp, klei thâo hdĭp, klei thâo săng hdră bhiăn leh anăn ai tiê đua klam hŏng êpul êya.