Hdră duh rŭ mdơ̆ng sang dhar kreh êpul êya mguôp hŏng mdrơ̆ng klei êa lip lêč angĭn êbŭ ti dŭm alŭ, ƀuôn ti alŭ wăl čar Dak Lak (wưng tal 1) mâo ênoh duh êbeh 170 êklai prăk. Hdră anei kñăm bi sĭt hdră êlan mtrŭn mơ̆ng Đảng lehanăn Knŭk kna kơ bruă mđĭ hĭn hdră mdrơ̆ng hŏng klei yan adiê ngă, rơ̆ng klei êđăp ênang kơ mnuih ƀuôn sang anăp klei mâo dleh dưi ksiêm dlăng mơ̆ng klei bi mlih yan adiê mbĭt anăn bi leh anôk bruă nah gŭ mkăp kơ klei hdĭp mnuih ƀuôn sang.

Hluê hdră kčah, wưng tal 1 srăng duh rŭ mdơ̆ng 100 boh dhar kreh êpul êya mguôp hŏng mdrơ̆ng klei êa lip lêč angĭn êbŭ ti dŭm alŭ, ƀuôn mao ênhă hlăm brô 220m2, ênhă ba yua êbeh 440m2, mâo 2 tal. Hdră anei tĭng ngă leh êlâo kơ hruê 15/9/2026, dưi ba yua êlâo kơ yan hjan angĭn êbŭ thŭn anei./.