Čar Khánh Hòa ară anei mâo 34 djuê ana ƀiă hŏng êbeh 266.000 čô mnuih, truh giăm 12% ênoh mnuih. Truh knhal jih thŭn 2025, alŭ wăl adôk 5.100 gŏ sang ƀun, hlăm anăn êbeh 3.000 gŏ sang jing mnuih djuê ƀiă. Ti anôk mă bruă, čar Khánh Hòa akâo kơ Phŭn bruă Djuê ana lehanăn Klei đăo hnưm bi leh klei bhiăn, hdră mtrŭn kơ lăn ala, prăk čan lehanăn đru duh bi liê, thiăm mbŏ klei găl mâo mđĭ kyar anôk bruă nah gŭ, hnưm ba mdah klei kčah mtrŭn kơ ênoh đru lăn dôk, sang dôk čiăng kơ alŭ wăl mâo klei găl pŏk ngă hdră anei tŭ dưn.

Khua phŭn bruă Nguyễn Đình Khang čih yap dŭm boh tŭ Khánh Hòa dưi mâo hlăm hdră bi hrŏ ƀun, duh kơ anôk bruă nah gŭ lehanăn mkra mđĭ klei hdĭp mnuih djuê ƀiă. Ñu mtă kơ čar lŏ dơ̆ng msir mghaih dŭm hnơ̆ng čuăn adôk ƀiă, ksiêm dlăng hră mơar mrô leh mkŏ dăp, bi leh hdră kčah hluê ngă Hdră ala čar kñăm wưng thŭn 2026 – 2030, mbĭt anăn mđĭ hdră ksiêm dlăng čiăng kơ dŭm klei găl mâo dưi ba yua djŏ mta kñăm, mđĭ lar boh tŭ dưn./.