Khánh Hòa dôk bi mklă anăn mơ̆ng êbeh 2.200 klang kleh kahan djiê êngiă
Thứ tư, 10:32, 24/06/2026
VOV Tây Nguyên
VOV Tây Nguyên
VOV.Êđê- Hrue mbrue 23/6, Knơ̆ng bruă sang čư̆ êa čar Khánh Hòa mkŏ mjing leh klei bi kƀĭn ksiêm wĭt bruă bi klă boh tŭ dưn tal êlâo mơ̆ng klei 500 hrue mlam nao tui duah kuai ba wĭt klang kleh phung djiê êngiă, lehanăn bi mklă hŏng hdră mă ADN, mbĭt anăn ruh mgaih dŭm klei dleh dlan, klei gun kpăk, čiăng dưi mă bruă hŏng klei tŭ dưn dŭm mta bruă mâo kčah jao.
Tui si hdră, Khánh Hòa tui duah, mâo kuai ba wĭt klang kleh hlăm brô 150 čô mnuih djiê êngiă; mâo bi mklă truh 168 anôk tui duah, hŏng 946 bĭt anôk dưr phung djiê êngiă, lehanăn mă mta ADN hlăm klang kleh 2.234 čô djiê êngiă adôk ka thâo klă anăn.
Mprăp kơ jih bruă ngă anei hlăm kluôm čar, wưng leh êgao, dŭm êpul êya mâo kuai lehanăn mă leh ADN ti Msat phung djiê ênggiă Khánh Vĩnh. Klei tui duah, kuai ba wĭt, lehanăn bi mklă amnăn kơ dŭm klang ka thâo klă anăn, amâo mâo djŏ knŏng bi hrŏ klei ênguôt hnĭng mơ̆ng găp djuê digơ̆, ƀiădah lŏ bi êdah ai tiê “Mnăm êa hdơr kơ akŏ” mơ̆ng djuê ana./.
Viết bình luận