Hluê anăn, Anôk bruă ksiêm dlăng klei mnuih ƀuôn sang čiăng leh anăn ktuê dlăng akâo kơ Knŭk kna gĭt gai mjêč hdră tui ksiêm, bi mklă boh klei anôk bi lông Toán amâo djŏ hdră bhiăn ti Tuyên Quang; mđĭ hdră bi kdơ̆ng hŏng klei mkra mjing, mnia mblei mnơ̆ng mgưt; mtrŭt mđĭ hdră gang mkhư̆, mdrơ̆ng hŏng klei ruă êngoh bi ƀlĕ êrah; msir mghaih klei ngă soh hlăm bruă kđăm mkra hdruôm hră; mđing ksiêm dlăng, hrui mă mnơ̆ng dhơ̆ng hlăm dŭm klei mplư mplêč hluê hdră "Klei kuôl kă hlăm knăm mdei"; mbĭt anăn rơ̆ng kjăp klei êđăp ênang gang mkhư̆, truih mdjiê klei pui ƀơ̆ng, êlan klông leh anăn msir mghaih jih klei kčŭt hưn lu mnuih, sui hruê.

 Ăt ti anôk bi kƀĭn, Dhar bruă gĭt gai anôk bruă kƀĭn ala brei klei blŭ kơ dŭm klei čih mkra Hdră bhiăn mkra mlih, thiăm mbŏ dŭm mta klei mơ̆ng hdră bhiăn Knơ̆ng prăk knŭk kna Việt Nam; Hdră bhiăn gang mkhư̆ klei bi kdơ̆ng hŏng klei ƀơ̆ng ngăn; hdră bhiăn hưn mthâo, mjuăt bi hriăm klei bhiăn lăn čar (mkra mlih); hdră mtrŭn kơ bruă ƀuah mkra ti anôk bruă nah gŭ leh anăn dŭm mta phŭn yuôm bhăn mkăn.