Khua Knŭk kna bi klă, hlăm thŭn 2025, Knŭk kna gĭt gai ktang phĭt, ba mdah lu hdră êlan ruh mgaih klei dleh dlan kơ anôk mnia mblei, boh nik jing dŭm bruă sang dôk yang ƀuôn, truh kơ ară anei dưi bi leh 1000 boh sang. Hŏng tur knơ̆ng leh anăn klei ngă bruă ară anei, mta kñăm bi leh 1 êklăk boh sang dôk yang ƀuôn hlăm thŭn 2028 srăng dưi mâo hnưm hĭn kơ hdră kčah 2 thŭn.

Ƀiădah, Khua Knŭk kna ktrâo klă boh sĭt dôk mâo dŭm klei čuăn mrâo, boh nik jing klei čiăng sang dôk kơ phung mâo hnư hrui wĭt kah knar, êpul dôk kƀah klei mkăp brei  djŏ guôp. Hlăm klei kƀĭn, Khua Knŭk kna mñă kơ êpul khua gĭt gai bi tŭ ư, bi trông kơ hdră êlan mđĭ kyar bruă anei, mbĭt anăn mđĭ hĭn klei mkăp brei sang dôk kơ lu gưl yang ƀuôn, rơ̆ng klei mtăp mđơr hlăm klei mâo sang dôk kơ mnuih ƀuôn sang, đru bi hơĭt klei hdĭp leh anăn mđĭ kyar anôk mnia mblei