Blŭ hrăm hlăm klei kƀĭn, Khua Bruă Kbĭn ala Trần Thanh Mẫn mñă ktang mđĭ hnơ̆ng jăk bruă đru kơ hdră bhiăn hŏng bruă mkŏ mjing klei bi klă, hlăm anăn čiăng bi klă klei čuăn mă klei blŭ mguôp mnuih ƀuôn sang leh anăn knơ̆ng bruă msĕ si dŭm ênoh mrô bi klă ai dưi gưl čar.

Hluê si khua Bruă Kbĭn ala, bruă anei hmăi klă anăp kơ klei hdĭp, bruă mă mơ̆ng mnuih ƀuôn sang kyuanăn hdră bhiăn čiăng nao hŏng lu tĭng, rơ̆ng kơ klei bi kna plah wah pô dưn hŏng êpul ngă bruă. Năng mđing hĭn, hdră bhiăn čiăng pŏk mlar phung dưi đru, mâo wăt phung mâo hnơ̆ng hdĭp dleh dlan, mnuih mă bruă luč bruă mă, ăt msĕ mơh pŏk mlar hŏng phung hđeh hlăm dŭm boh klei djŏ tuôm. mbĭt anăn, čiăng bi klă bruă klam, mđĭ klei đru leh anăn rơ̆ng mâo klei hưn kơ phung đru bruă hdră bhiăn čiăng mđĭ boh tŭ klei ngă bruă.