Blŭ hrăm mjưh ruê̆ Klei bi kƀĭn tal 56 mơ̆ng Dhar bruă gĭt gai Anôk bruă kƀĭn ala, klei bi kƀĭn knhal tuič mơ̆ng Anôk bruă kƀĭn ala gưl 15, Khua anôk bruă kƀĭn ala Trần Thanh Mẫn mñă, dăl hlăm wưng păn bruă êgao, Dhar bruă gĭt gai anôk bruă kƀĭn ala hgŭm mguôp, gĭr, đua klam, bi hgŭm kjăp hŏng Knŭk kna, dŭm anôk bruă pŏk ngă leh lu bruă yuôm bhăn, hlăm anăn mâo dŭm bruă ka tuôm mâo êlâo êdei, dleh dưi ksiêm dlăng, đru mguôp hlăm klei tŭ jing kluôm mơ̆ng Anôk bruă kƀĭn ala gưl XV lehanăn klei đĭ kyar kluôm mơ̆ng ala čar.

Khua anôk bruă kƀĭn ala Trần Thanh Mẫn mñă, hdră mprăp kơ klei bi kƀĭn tal sa, Anôk bruă kƀĭn ala gưl XVI dưi mprăp ênŭm, hluê ngă kjăp hdră êlan prŏng mơ̆ng Đảng, klei dôk čiăng lehanăn djŏ hdră bhiăn.  Khua anôk bruă kƀĭn ala Trần Thanh Mẫn mtă, khădah wưng păn bruă gưl XV dơ̆ng jih, ƀiădah klei đua klam mơ̆ng Dhar bruă gĭt gai anôk bruă kƀĭn ala, anôk bruă kƀĭn ala ăt dôk prŏng, mơ̆ng ară anei truh kơ hruê Anôk bruă kƀĭn ala ruah Dhar bruă gĭt gai anôk bruă kƀĭn ala lehanăn bi mklă dŭm anôk bruă hlăm bruă kƀĭn ala gưl XVI, bi leh bruă jao bruă plah wah dua wưng păn bruă./.