Khua gĭt gai Đảng, Khua lăn čar Tô Lâm mñă klă, Việt Nam čang hmăng hluê hŏng gưl bi tuôm anei, srăng ngă êlam hĭn klei đăo knang hlăm bruă kđi čar, bi mklă klei hgŭm bruă mrâo hlăm klei bi mjĕ dua nah hŏng hdră bi hgŭm kluôm, êlam hĭn, hluê ngă bi sĭt mta kñăm mđĭ kyar grăp ala čar.

Khua gĭt gai Đảng, Khua lăn čar mtă kơ dua tĭng krŏng kjăp klei bi tuôm gưl dlông, bi kjăp klei đăo knang hlăm bruă kđi čar, mđĭ boh tŭ hdră bi hgŭm bruă mơ̆ng dua Đảng, knŭk kna, Anôk bruă kƀĭn ala, Bruă Mặt trận – Kđi čar, bi kjăp hdră lĭng kahan – răng mgang klei êđăp ênang. Khua dhar bruă mặt trận Vương Hộ Ninh mñă, China dlăng myuôm klei bi mjĕ hŏng Việt Nam, dlăng anei jing klei mđing hlăm hdră mtrŭn hŏng tač êngao, bi mni kơ dŭm boh tŭ mrâo hlăm bruă hlak mblang mơ̆ng Việt Nam, sa ai hŏng Việt Nam mkŏ mkra tŭ dưn hdră êlan yang ƀuôn ngă phŭn êngiê djŏ guôp hŏng klei mâo mơ̆ng ala čar. Vương Hộ Ninh mtă kơ dua tĭng thâo săng klă kơ hdră êlan mđĭ kyar klei bi mjĕ dua nah, mtrŭt mđĭ hdră bi mrâo mrang tui tiŏ hdră êlan yang ƀuôn ngă phŭn êngiê mơ̆ng grăp ala čar./.