Hlăm hdră nao čhưn ti Italia, hruê 14/4, ti ƀuôn prŏng phŭn Roma, Khua anôk bruă kƀĭn ala Trần Thanh Mẫn lehanăn Êpul bi ala gưl dlông Việt Nam mâo leh klei blŭ hrăm hŏng knuă druh, mnuih mă bruă ti Anôk bruă bi ala lehanăn Êpul êya mnuih Việt Nam dôk ti Italia.

 Khua anôk bruă kƀĭn ala hưn mthâo hŏng êpul êya mnuih Việt Nam ti Italia kơ boh klei mâo hlăm ala čar hŏng dŭm gru kruăk yuôm bhăn msĕ si mkŏ mjing tŭ dưn Klei bi kƀĭn bruă Đảng kluôm ala tal 14, hdră ruah phung bi ala bruă kƀĭn ala gưl 16 lehanăn Êpul gơ̆ng bruă ƀuôn sang dŭm gưl wưng thŭn 2026 – 2031. Khua anôk bruă kƀĭn ala čang hmăng, êpul êya mnuih Việt Nam jing sa êpul êya bi hgŭm mguôp ti Italia, hlăm wưng êgao jăk leh ară anei lŏ jăk hĭn, kñăm đru kơ phung hđeh nao hriăm ti Italia êdei anei wĭt kơ lăn čar mâo hnơ̆ng thâo. Khua anôk bruă kƀĭn ala čang hmăng êpul êya mnuih Việt Nam ti Italia krơ̆ng kjăp knhuah dhar kreh đưm djuê ana, klei blŭ djuê ana, boh nik hluê ngă kjăp hdră bhiăn ti anôk pô dôk./.