Ti anôk bi kƀĭn, phung bi ala dưi ksiêk kjăp bruă hluê ngă Hdră mtrŭn mơ̆ng Gưl dlông lehanăn mơ̆ng čar; lŏ dơ̆ng ksiêm dlăng dŭm bruă kơ hdră mkŏ mjing, klei ngă bruă mơ̆ng Êpul gơ̆ng bruă ƀuôn sang; kčah mtrŭn kơ bruă ba mdah dŭm mta hră mơar djŏ hdră bhiăn; klei thâo ksiêm dlăng, klei bi mklă hdră mtrŭn lehanăn bruă ksiêm dlăng. Bruă phŭn jing ba yua klei thâo anak mnuih, klei thâo tăng mgăl lehanăn đru mđĭ klei thâo kơ bruă.

Blŭ hrăm ti knăm anei, Lương Nguyễn Minh Triết, Khua hlăm Anôk bruă Đảng gưl dlông, Khua bruă Đảng čar Dak Lak mñă kơ phung bi ala brei giăm mnuih ƀuôn sang, siă suôr hŏng mnuih ƀuôn sang, gĭr ksiêm dlăng, mđĭ klei đua klam hlăm bruă bi mklă, rơ̆ng hdră mtrŭn bi kčah djŏ mnuih, djŏ bruă, klă klei đua klam, klă wưng lehanăn bi mklă boh tŭ dưn./.