Khua knŭk kna lač klă, Knŭk kna dôk mđing msir mghaih jih dŭm klei dôk kpăk đuôm, gĭr ruh mtlaih jih klei dleh dlan, gun kpăk, hlăm anăn mâo dŭm bruă djŏ hŏng klei kriê dlăng mŏng Phŭn bruă mdrao mgŭn.

Hŏng hdră mkra anôk bruă tal 2 mŏng Sang êa drao Bạch Mai, Sang êa drao Việt Đức, Khua knŭk kna gĭt gai Phŭn bruă mdrao mgŭn, Rŭ mdơ̆ng, Lĭng kahan, Kahan ksiêm hluê hŏng klei dưi, bruă klam gĭt gai anôk bruă djŏ tuôm mđing ba yua jih klei găl mâo, hluê ngă kjăp, mđrăm mbĭt lehanăn tŭ dưn bruă msir mghaih klei kpăk gun, ba 2 boh sang êa drao anei mŭt ngă bruă hlăm 3 mlan gưl 2 thŭn 2026 mtam. Khua knŭk kna Lê Minh Hưng mtă kơ Phŭn bruă mdrao mgŭn mjêč ngă leh klei čih mkra Hdră bhiăn Doh êƀăt mnơ̆ng dhơ̆ng mkra mlih lehanăn bi leh hdră kriê dlăng mŏng knŭk kna hŏng klei doh êƀăt mnơ̆ng dhơ̆ng, čih mkra hdră kčah, hdră ksiêm dlăng klei suaih pral grăp gưl amao dah ksiêm mkă dlăng ƀiă êdi 1 thŭn 1 blư̆ kơ mnuih ƀuôn sang, hlăm anăn mâo êpul mnuih mđing tal êlâo hlăm thŭn 2026, boh nik ti krĭng taih kbưi./.