Hdră bruă “500 hruê mlam mđĭ ktang  bruă tui duah, bi kƀĭn leh anăn bi mklă anăn klang phung êngiă asei” mâo Êpul kahan 34 bi mklă jing bruă klam kđi čar yuôm bhăn. Grăp hnơ̆ng kčah, bruă klam klă klơ̆ng mâo jao kơ dŭm anôk bruă. Klă klơ̆ng, hlăm thŭn anei bi kƀĭn 60 klang phung êngiă asei leh anăn truh mlan 7/2027, gĭr ƀuh 100 klang phung êngiă asei.

 Čiăng bi leh klei kñăm, khua gĭt gai Êpul kahan mtă kơ dŭm anôk bruă ksiêm dlăng leh anăn hlue ngă kjăp klei bhiăn “6 klă”, klă mnuih, klă bruă, klă hruê mmông, klă bruă klam, mnơ̆ng dhơ̆ng leh anăn klei dưi. Boh phŭn jing pral bi hgŭm kjăp hŏng dŭm čar, ƀuôn prŏng, êpul kahan hđăp leh anăn mnuih ƀuôn sang čiăng hrui mă, msir mgaih klei hâo hưn; mkŏ mjing ksiêm dlăng, mkŏ mjing hdră kčah tui duah hlăm alŭ wăl.