Leh sa mlan pŏk ngă, kluôm Êpul mâo iêo mkrum mguôp leh giăm 762 êklai prăk, mâo 152% hnơ̆ng kčah, đru kơ giăm 579 êbâô čô mnuih mâo klei hdĭp dleh dlan hlăm kluôm ala. Leh Knăm mtrŭt mjhar gưl ala čar ti Hà Nội, kwang kngan klei khăp dưi mkŏ klă anăp wăt online truh kơ êbeh 3000 anôk mkŏ lehanăn dŭm gru hmô “Êpul êya đru kơ mnuih knap mñai – Bi mkŏ klei khăp” ti Tuyên Quang, Nghệ An, An Giang.

Gru hmô“Êpul êya đru kơ mnuih knap mñai – Bi mkŏ klei khăp” ti tlâo čar dưi pŏk ngă hŏng êbeh 4,4 êklai prăk, mđing kơ hdră mkŏ mkra sang dôk Gru bi kal hrah, đru kơ phung hđeh hriăm hră lehanăn gŏ sang ƀun. Mbĭt ânn, 1.750 hnư mnơ̆ng mâo ênoh 3,5 êklai prăk ăt dưi mprăp đru kơ mnuih ƀuôn sang hmăi mŏng klei yan adiê ngă lehanăn dleh dlan. Dŭm boh tŭ mŏng Mlan đru kơ mnuih knap mñai thŭn 2026 jing klei bi êdah kơ ai tiê bi hgŭm mguôp, knhuah gru thâo bi đru mŏng djuê ana drei./.