Knơ̆ng bruă mdrao mgŭn čar Dak Lak mñă leh hŏng jih jang dŭm anôk bruă mdrao mgŭn  ti 102 să, ƀuôn hgŭm ngă hdră êlan mkă dlăng klei suaih pral grăp tuôr, mkă dlăng hrŏng amâo mâo mă prăk kơ mnuih ƀuôn sang. Hlăm anăn, lông ngă ti 4 să, ƀuôn hgŭm jing Tân An, Tuy Hòa, Đồng Xuân leh anăn Krông Bông, 98 să, ƀuôn hgŭm adôk srăng ngă hrăm mbĭt mơ̆ng hruê 1/7 kơ anăp. Truh kơ ară anei, giăm 500 čô mnuih ƀuôn sang dưi mkă dlăng hluê si klei mtô mơ̆ng Phŭn bruă mdrao mgŭn, leh anăn bruă mkă dlăng hrŏng ăt lŏ dơ̆ng ngă hŏng dŭm êbâo čô. Čar Dak Lak leh bi mŭt mbĭt mâo 3,34 êklăk čô mnuih ƀuôn sang.

Wưng thŭn 2026 - 2030, Dak Lak mĭn tĭng dăp 1.000 êklai prăk sa thŭn čiăng mkă dlăng amâo mâo mă prăk kơ mnuih ƀuôn sang. Knŏng thŭn 2026, čar mkăp brei 400 êklai prăk kơ 102 anôk bruă mdrao mgŭn să, ƀuôn hgŭm, hŏng ênoh bi liê hlăm brô 350 êbâo prăk sa čô sa blư̆ mkă dlăng. Hŏng 2 hruê kăm lông ngă, kyua čŏng pô mprăp dŭm kdrăp yau, mnuih mă bruă, mtrŭt mđĭ bruă hâo hưn mbĭt hŏng klei sa ai mơ̆ng mnuih ƀuôn sang, bruă hluê ngă hdră mtrŭn mphŭn kčưm čih yap boh tŭ dưn jăk, mkŏ mjing tur knơ̆ng hluê ngă hrăm mbĭt hlăm kluôm čar hlăm wưng kơ anăp.