Hluê anăn, bruă tui duah, bi mklin klang kleh dưi pŏk ngă hlăm 3 wưng. Wưng tal 1 mơ̆ng hruê 6/6 truh hruê 20/6, dĭm êpul srăng tui duah ti krĭng lăn huâng hlăm Wăl msat kahan djiê êngiă ƀuôn hgŭm Đăk Cấm lehanăn êlan Trường Chinh mơ̆ng sang mrô 206 truh 282.

Wưng tal 2 mơ̆ng hruê 21/6 truh hruê 25/7, tui duah dŭm kdrêč adôk hlăm êlan Trường Chinh. Wưng tal 3, mơ̆ng hruê 26/7 truh kơ jih thŭn 2026, mđing tui duah ti dŭm krĭng mâo mnuih ƀuôn sang, kahan hđăp amâo dah dŭm anôk bruă djŏ tuôm mkăp. Hdră hluê ngă brei hluê ngă kjăp klei mĭn “ Rơ̆ng hluê ngă kjăp, anôk ênưih ngă êlâo, dleh ngă êdei, ngă bruă hŏng klei răng”, rơ̆ng klei êđăp ênang kơ mnuih, kdrăp mnơ̆ng, anôk bruă nah gŭ lehanăn klei êđăp ênang êlan klông”. Dŭm hruê êgao, êpul K53 nao klei leh dua nah, mđrĭng hŏng êlan Trường Chinh, ƀuôn hgŭm Đăk Cấm. Êlâo anăn, Êpul K53 nao klei, tui duah leh hlăm Wăl msat kahan djiê êngiă ƀuôn hgŭm Đăk Cấm, klei êbeh 1.000m3 lăn čiăng tui duah dŭm anôk djŏ tuôm mâo msat kahan djiê êngiă, mkăp kơ hdră tui duah, bi mklin./.