Hdră bruă mâo ênhă rŭ mdơ̆ng 220m², ênhă ba yua êbeh 440m², dưi mkra mjing kjăp hŏng tur ƀêtông msei, jar msei leh anăn tur gang mkhư̆ êa lip, ngă djŏ klei čiăng mbĕ đuê̆, dôk kđap kơ lu mnuih ƀuôn sang tơdah yan adiê ngă.

Ênoh bi liê giăm 1,5 êklai prăk mơ̆ng phŭn prăk ala ƀuôn, mĭn tĭng bi leh hlăm mlan 9/2026.  Hdră đru mđĭ klei dưi gang mkhư̆ yan adiê ngă ti nah gŭ, lŏ čuê klei tŭ dưn Hdră bruă Quang Trung đru rŭ mdơ̆ng, mkra pưk sang kơ mnuih ƀuôn sang leh êa lip. Hjăn ti Hòa Thịnh, êbeh 100 boh sang kjăp mâo rŭ mdơ̆ng kơ dŭm gŏ êsei  mâo sang dlưh amâodah êa đung jih.