Êbeh 4.800 msat kahan djiê êngiă ti Lâm Đồng mâo mă mta ksiêm bi mklă anăn
Thứ sáu, 10:05, 12/06/2026
H'Nêč Êñuôl /VOV Tây Nguyên
H'Nêč Êñuôl /VOV Tây Nguyên
VOV.Êđê- Mđing truh bi hdơr 80 thŭn Hruê kahan êka êkeh – Djiê êngiă (27/7/1947 - 27/7/2027), čar Lâm Đồng dôk mjêč pŏk Hdră 500 hruê mlam mtrŭt mđĭ bruă tui duah, hrui mƀĭn lehanăn bi mklă anăn klang kleh kahan djiê êngiă” hŏng mta kñăm bi mklă anăn phung kahan djiê êngiă êlâo kơ hruê 15/11/2026.
Anôk gĭt gai 515 čar Lâm Đồng mkŏ mjing leh 5 êpul mă bruă čiăng pŏk hdră ksiêm dlăng, ba jao klang klang kahan djiê êngiă ti dŭm wăl msat ka dưi bi mklă klei hâo hưn hlăm wăl msat kahan djiê êngiă čar. Čar Lâm Đồng ară anei mâo 12 wăl msat kahan djie êngiă, hlăm anăn mâo 11 wăl msat dôk čiăng mă mta ksiêm bi mklă lehanăn ba jao klang kleh djŏ hdră.
Ênoh msat kahan djiê êngiă ka dưi bi mklă klei hâo hưn mâo 4.845 msat. Wăl msat kahan djiê êngiă să Đức Linh dưi ruah jing anôk pŏk ngă hdră bi mklă anei kñăm tui ksiêm mă klei hriăm čiăng mđĭ lar hlăm kluôm čar. Tinei, dŭm êpul êya mă leh 55 mta čiăng bi mklă, ba jao djŏ hdră, mbĭt anăn srăng bi mklă klei hâo hưn mkăp kơ bruă kriê dlăng lehanăn bi mklă ADN./.
Viết bình luận