Mta phŭn mjuăt bi hriăm mđing bi mrâo klei čuăn hdră bhiăn, ktrâo lač hdră msir mghaih hră mơar kơ klei đăo, mbĭt anăn bi trông klei thâo msir mghaih dŭm bruă djŏ tuôm kơ lăn ala, rŭ mdơ̆ng anôk bruă klei đăo, ngă hră mơar klei đăo kƀĭn sa anôk.

Anei jing adŭ mjuăt bi hriăm tal dua dưi mkŏ mjing pioh kơ êpul ngă bruă đru kčĕ kơ bruă klei đăo ti nah gŭ, kñăm mđĭ hĭn klei thâo kiă kriê knŭk kna lehanăn mghaih msir dŭm boh klei mâo hlăm boh sĭt. Adŭ hriăm mđing hlak mblang dŭm klei dleh dlan, klei gun kpăk mâo ti alŭ wăl, đru bi sa hnơ̆ng klei ba yua hdră bhiăn lehanăn mđĭ hĭn klei tŭ dưn kiă kriê mơ̆ng nah gŭ mtam.