Ti anôk bi kƀĭn thơ̆ng kơ bruă tal dua, Êpul gơ̆ng bruă ƀuôn sang čar Dak Lak gưl XI mrâo bi mklă Hdră mtrŭn kčah mtrŭn ênoh đru kơ mnuih ngă bruă amâo thơ̆ng ti alŭ, ƀuôn leh anăn ênoh đru klam bruă; mbĭt anăn kčah mtrŭn ênoh, bruă klam leh anăn ênoh đru kơ mnuih nao hgŭm hlăm bruă ti alŭ, ƀuôn ti alŭ wăl. Hdră mtrŭn kčah, tơdah knuă druh, phung mă bruă knŭk kna, mnuih mă bruă gưl să amâodah mnuih mă bruă amâo truăn kơ sa bruă klam ngă bi hrŏ sa čô hluê si klei kčah mtrŭn snăn dưi dưn 100% ênoh đru amâodah đru mơ̆ng klei ngă bruă truăn; tơdah ngă lu bruă klam knŏng dưi dưn sa ênoh đĭ hĭn.

Ênoh prăk hluê ngă dưi rơ̆ng mơ̆ng phŭn mkăp prăk gưl dlông tĭng tla leh anăn prăk knŭk kna alŭ wăl. Hŏng mnuih mă bruă amâo truăn kơ bruă ti alŭ, ƀuôn, ênoh prăk đru mguôp dưi kčah mtrŭn hluê si mdê bi alŭ wăl. Klă klơ̆ng, Khua dlăng bruă Đảng dưi dưn ênoh prăk đru mguôp 2.8 blư̆ ênoh prăk mlan phŭn ti alŭ, ƀuôn mta 1 leh anăn 2.5 blư̆ ti dŭm alŭ wăl adôk; Khua alŭ, Khua ƀuôn dưi dưn ênoh prăk đru mguôp bi knar 2.7 leh anăn 2.3; Khua Anôk bruă Mặt trận dưi dưn ênoh prăk đru mguôp bi knar 2.5 leh anăn 2.0 blư̆ ênoh prăk mlan phŭn.