Brei dŭm alŭ wăl leh anăn sang hră loong ba yua, mprăp ba yua klă klơ̆ng hlăm thŭn hriăm mrâo 2026 - 2027. Yap truh hruê 12/8, ti sang hră Knŭk kna rông ba mlir gưl hriăm ƀuôn Đon, anôk bruă djŏ tuôm dôk ksiêm wĭt dŭm mta bruă hluê si klei čuăn. Mĭn tĭng srăng dưi ba jao kơ Bruă sang čư̆ êa să Ƀuôn Đon hlăm hruê 20/8. Hŏng sang hră Knŭk kna rông ba mlir gưl Ia R’Vê, ênoh bruă dưi mâo leh hlăm brô 99%.

Ară anei đa đa bruă điêt dôk dưi mjêč bi leh, mĭn tĭng srăng bi klă  hlăm hruê kăm kơ anăp. Sang hră Knŭk kna rông ba mlir gưl Ia Lôp mâo klei êmưt hĭn ƀiădah ăt mâo êbeh 96% hdră bruă. Mĭn tĭng sang hră bi leh êlâo hruê 20/8, ngă klei ksiêm wĭt leh anăn ba jao 5 hruê êdei anăn. Dŭm sang hră ti knông lăn čar Dak Lak dưi rŭ mdơ̆ng hluê si klei gĭt gai mơ̆ng Phŭn bruă kđi čar. Anei jing dôk hriăm, huă ƀơ̆ng leh anăn mdei msăn mơ̆ng hlăm brô 3.100 čô hđeh sang hră ti alŭ wăl knông lăn čar Dak Lak.